മുംബൈ: സൗത്ത് കൊറിയന്‍ കമ്പനിയായ സാംസംഗിന്റെ ലാഭത്തില്‍ 30 ശതമാനത്തിന്റെ ഇടിവ്. കഴിഞ്ഞ എട്ട് വര്‍ഷത്തിനിടെ കമ്പനിയുടെ ഏറ്റവും മോശം പ്രകടനമാണിത്.

ഫോണ്‍ വിപണിയിലെ മുന്‍നിരക്കാരായ സാംസംഗിന്റെ ഗ്യാലക്‌സി നോട്ട് വിപണിയില്‍ നിന്നും തിരിച്ചുവിളിച്ചിരുന്നു. 25 ലക്ഷം ഫോണുകളാണ് അമിതമായി ചൂടായി പൊട്ടിത്തെറിക്കുന്നത്‌കൊണ്ട് പിന്‍വലിച്ചത്.

സ്മാര്‍ട്‌ഫോണ്‍ വിപണിയില്‍ നിന്നായിരുന്നു സാംസംഗിന്റെ വരുമാനത്തിന്റെ 38 ശതമാനവും ലഭിച്ചിരുന്നത്. ഇന്ത്യന്‍ സ്മാര്‍ട്ഫോണ്‍ മാര്‍ക്കറ്റിലും സാംസംഗിനു തിരിച്ചടി നേരിട്ടിരുന്നു. വില്‍്പനയില്‍ ഒന്നാമതായിരുന്ന സാംസംഗ് രണ്ടാം സ്ഥാനത്തേക്ക് പിന്തള്ളപ്പെട്ടു.

ലോകത്താകെമാനം പൊട്ടിത്തെറി ഭീഷണിയെത്തുടര്‍ന്ന് ഗ്യാലക്‌സി നോട്ട് 7 മോഡലിന്റെ നിര്‍മാണവും സാംസംഗ് നിര്‍ത്തിയിരുന്നു. ഏറ്റവുമൊടുവില്‍ വിമാനങ്ങളില്‍ ഗാലക്സി നോട്ട് 7 നിരോധിക്കുകയും ചെയ്തിട്ടുണ്ട്.