ന്യൂഡല്ഹി: സ്റ്റേറ്റ് ബാങ്ക് ഓഫ് ഇന്ത്യ(എസ്ബിഐ) വിജയ് മല്യയുടേതടക്കം 7016 കോടിയുടെ വായ്പ എഴുതിത്തള്ളി. മന:പൂര്വം കുടിശിക വരുത്തിയ വ്യവസായ പ്രമുഖരുടെ കുടിശികയാണ് ബാങ്ക് എഴുതിത്തള്ളിയത്. കിംഗ്ഫിഷര് എയര്ലൈന്സുള്പ്പെടെ വായ്പ തിരിച്ചടക്കാത്ത ആദ്യത്തെ നൂറ് പേര്ക്കാണ് ആനുകൂല്യം ലഭിക്കുക.
ഡിഎന്എ റിപ്പോര്ട്ട്
വിജയ്മല്യയുടെ കിംഗ്ഫിഷര്് ഉള്്പ്പെടെ 63 പേരുടെ കടം പൂര്ണമായും എഴുതിത്തള്ളി. 31 പേരുടെ ബാധ്യത ഭാഗികമായും ആറു പേരുടേത് നിഷ്ക്രിയാസ്തിയായുമായാണ് ഒഴിവാക്കിയത്. ഡിഎന്്എയാണ് ഈ റിപ്പോര്ട്ട് പുറത്തുവിട്ടത്.
പട്ടികയില് പ്രമുഖര്
മനപൂര്വ്വം കുടിശ്ശിക വരുത്തിയവരുടെ പട്ടികയിലെ ഒന്നാമതായിരുന്ന കിംങ്ഫിഷറിന്റെ 1,201 കോടി രൂപയുടെ കണക്ക് മാത്രമെ ബാങ്ക് ബാലന്സ്ഷീറ്റില് കാണിച്ചിട്ടുള്ളൂ. കെഎസ്ഓയില് (596 കോടി), സൂര്യ ഫാര്മസ്യൂട്ടിക്കല്സ് (526കോടി), ജിഇടി പവര്(400 കോടി), സായി ഇന്ഫോ സിസ്റ്റം (376 കോടി) എന്നിവരാണ് എഴുതി തള്ളിയവരുടെ പട്ടികയില് മുന്പന്തിയിലുള്ളത്
48,000 കോടി രൂപ കുടിശിക
ജൂണ് 30 വരെയുള്ളതാണ് ഈ വര്ഷത്തെ കണക്കുകള്. എന്നാല് എപ്പോഴാണ് ഇവരുടെ വായ്പ എഴുതി തള്ളിയതെന്നുള്ള വിവരങ്ങളില്ല. 48,000 കോടി രൂപയുടെ വായ്പ കുടിശ്ശികയാണ് എസ്ബിഐക്ക് ആകെ ഉണ്ടായിരുന്നത്.
നോട്ടുകള്ക്ക് നിരോധനം
കള്ളപ്പണം കണ്ടെടുക്കാനെന്ന പേരില് രാജ്യത്ത് 500,1000 രൂപ നോട്ടുകള്ക്ക് സര്ക്കാര് നിരോധനം ഏര്പ്പെടുത്തിയിരുന്നു. ഇതിനിടയിലാണ് രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ കോടികള് എഴുതി തള്ളിയ വാര്ത്ത പുറത്തു വരുന്നത്.