മുംബൈ: മാരുതി സുസുക്കി ഇന്ത്യ ലിമിറ്റഡിന്റെ കോംപാക്ട് എസ്‌യുവി വിറ്റാര ബ്രെസക്ക് ഒക്ടോബറില്‍ നല്ല വില്‍പന. 10,056 വിറ്റാര ബ്രെസയാണു കമ്പനി കഴിഞ്ഞ മാസം വിറ്റത്.

ഉത്സവകാലവിപണിയിലാണ് ബ്രെസ നേട്ടമുണ്ടാക്കിയത്. ഇതോടെ നവംബറില്‍ രാജ്യത്ത് ഏറ്റവുമധികം വില്‍പ്പന നേടിയ ആദ്യ 10 കാറുകള്‍ക്കൊപ്പവും വിറ്റാര ബ്രെസ ഇടം പിടിച്ചു.2016 മാര്‍ച്ചിലാണ് മാരുതി സുസുക്കി വിറ്റാര ബ്രെസയെ വിപണിയിലെത്തിച്ചത്.

ഇത് രണ്ടാം തവണയാണ് വിറ്റാര ബ്രെസയുടെ പ്രതിമാസ വില്‍പ്പന 10,000 പിന്നിടുന്നത്. കഴിഞ്ഞ ജൂലൈയില്‍ 10,232 യൂണിറ്റിന്റെ വില്‍പ്പനയാണ് നേടിയത്.

ആവശ്യക്കാരേറിയതോടെ വിറ്റാര ബ്രസയുടെ വെയ്റ്റിംഗ് പിരിയഡ് ആറു മുതല്‍ പത്തുമാസം വരെ ഉയര്‍ത്തിയിരുന്നു.