നിത്യോപയോ​ഗ സാധനങ്ങൾ

ഭൂരിഭാഗം നിത്യോപയോ​ഗ സാധനങ്ങൾക്കും ജിഎസ്ടി കൗൺസിൽ നൽകിയിരിക്കുന്ന നികുതി നിലവിലുള്ളതിനേക്കാൾ വളരെ കുറവാണ്. കൗൺസിൽ പരിഷ്കരിച്ച നികുതിയിൽ ആളുകൾക്ക് സാധനങ്ങൾ ലഭ്യമാക്കേണ്ടത് കേന്ദ്ര - സംസ്ഥാന സർക്കാരുകളുടെ ചുമതലയാണ്.

പാലുത്പന്നങ്ങൾക്ക് വില കുറയും

പാൽ, പാലുത്പന്നങ്ങളായ തൈര്, വെണ്ണ, ചീസ്, തേൻ, സുഗന്ധവ്യഞ്ജനങ്ങൾ, ചായ, ഗോതമ്പ്, അരി തുടങ്ങിയവയ്ക്ക് ഇപ്പോഴുള്ളതിനേക്കാൾ നികുതി കുറയും.

ന്യൂഡിൽസ്

പഞ്ചസാര, ഉപ്പ്, പാസ്ത, മാക്രോണി, നൂഡിൽസ് തുടങ്ങിയവയ്ക്കും ജൂലൈ ഒന്നു മുതൽ നികുതി കുറയും. കൂടാതെ പഴങ്ങൾ, പച്ചക്കറി, അച്ചാർ, സുഗന്ധദ്രവ്യങ്ങൾ എന്നിവയുടെ വിലയിലും കുറവുണ്ടാകും.

മിനറൽ വാട്ട‍ർ

ജിഎസ്ടി നടപ്പിലാക്കുന്നതോടെ വില കുറയുന്ന ചില വസ്തുക്കളുടെ ലിസ്റ്റ് ധനമന്ത്രാലയം ഇന്ന് പുറത്തിറക്കിയിട്ടുണ്ട്. ഈ ലിസ്റ്റ് പ്രകാരം മിനറൽ വാട്ടർ, ഐസ്, സിമന്റ്, കൽക്കരി, മണ്ണെണ്ണ, എൽ.പി.ജി, ഹെയർ ഓയിൽ, ടൂത്ത് പേസ്റ്റ്, കാജൽ, സോപ്പ്, ഡയഗനോസ്റ്റിക് കിറ്റുകൾ എന്നിവയുടെയും വില കുറയും

വില കുറയുന്ന മറ്റ് സാധനങ്ങൾ

പ്ളാസ്റ്റിക് ടാർപോളിൻ, സ്കൂൾ ബാഗുകൾ, കളറിംഗ് ബുക്കുകൾ, സിൽക്ക്, കമ്പിളി തുണിത്തരങ്ങൾ, ചിലതരം കോട്ടൺ വസ്ത്രങ്ങൾ, പ്രത്യേക റെഡിമെയ്ഡ് വസ്ത്രങ്ങൾ, ഹെൽമറ്റ്, എൽ.പി.ജി സ്റ്റൌ, സ്പൂൺ, ഫോർക്സ് തുടങ്ങിയവയാണ് നികുതി വെട്ടിക്കുറച്ചിരിക്കുന്ന മറ്റ് വസ്തുക്കൾ.