കാർ വാങ്ങാൻ പ്ലാനുണ്ടോ? എങ്കിൽ ഒട്ടും വൈകേണ്ട മാരുതി തന്നെ വാങ്ങിക്കൊള്ളൂ... ജിഎസ്ടി വന്നതോടെ മാരുതി കാറുകൾക്ക് വമ്പിച്ച വിലക്കുറവാണ് കമ്പനി വാഗ്ദാനം ചെയ്തിരിക്കുന്നത്.

ജിഎസ്ടിയുടെ ആനുകൂല്യങ്ങൾ ജനങ്ങൾക്ക് നൽകുന്നതിന്റെ ഭാഗമായാണ് പ്രമുഖ വാഹന നിർമ്മാതാക്കളായ മാരുതി കാറുകളുടെ വില കുറച്ചിരിക്കുന്നത്. കമ്പനിക്ക് ലഭ്യമാകുന്ന ലാഭം ഉപഭോക്താക്കൾക്ക് നൽകാനാണ് തീരുമാനം.

മാരുതിയുടെ വിവിധ മോഡലുകൾക്ക് മൂന്ന് ശതമാനം വരെയാണ് വിലക്കുറവ് പ്രഖ്യാപിച്ചിരിക്കുന്നത്. എന്നാൽ ചില മോഡലുകളുടെ വില കൂട്ടിയിട്ടുമുണ്ട്. സിയാസ്, എർട്ടിഗ എന്നീ മോഡലുകൾക്കാണ് വില കൂട്ടിയിരിക്കുന്നത്.

ജിഎസ്ടി വന്നതോടെ ഹൈബ്രിഡ് മോഡലുകളുടെ നികുതി വർദ്ധിച്ചു. ഇത്തരം വാഹനങ്ങളുടെ ഫെയിം സബ്സിഡി കേന്ദ്ര സർക്കാർ പിൻവലിച്ചിരുന്നു. അതിനാലാണ് ഇത്തരം വാഹനങ്ങൾക്ക് വില കൂടാൻ കാരണം.

malayalam.goodreturns.in