രാജ്യത്തെ ആഭ്യന്തര മൊത്ത ഉത്പാദനത്തിന് ആപ്പുകൾ വഹിച്ച പങ്ക് നിസാരമല്ല. 2015-16 സാമ്പത്തിക വര്‍ഷത്തില്‍ ആപ്പുകള്‍ ജിഡിപിയില്‍ ചേര്‍ത്തത് 1.4 ലക്ഷം കോടി രൂപയാണെന്ന് പഠനങ്ങൾ വ്യക്തമാക്കുന്നു.

ഇന്ത്യന്‍ കൗണ്‍സില്‍ ഫോര്‍ റിസര്‍ച്ച് ഓണ്‍ ഇന്റര്‍നാഷണല്‍ ഇക്കണോമിക് റിലേഷന്‍സും ബ്രോഡ്ബാന്‍ഡ് ഇന്ത്യ ഫോറവും സംയുക്തമായി നടത്തിയ പഠനമാണ് ഇക്കാര്യങ്ങൾ വ്യക്തമാക്കിയത്. സ്മാര്‍ട്ട്‌ഫോണിലെ ആപ്പുകളാണ് പഠന വിധേയമാക്കിയത്.

ഇന്റര്‍നെറ്റ് ഉപയോഗം മൊത്തത്തില്‍ അടിസ്ഥാനമാക്കിയുള്ള പഠനമല്ല നടത്തിയതെങ്കിലും ഇന്ത്യയിലെ ഇന്റർനെറ്റ് ഉപയോ​ഗത്തിൽ 17 ശതമാനം വർ​ദ്ധനവുണ്ടായിട്ടുണ്ടെന്നാണ് പഠനം വ്യക്തമാക്കുന്നത്. എന്നാൽ ഇത്തരത്തിലുള്ള ഇന്റർനെറ്റ് അപ്ലിക്കേഷനുകളും സേവനങ്ങളും പരമ്പരാഗത വ്യവസായങ്ങളെ തടസ്സപ്പെടുത്തുന്നുണ്ടെന്ന് പറനത്തിൽ പറയുന്നു.

2020 ആകുമ്പോഴേയ്ക്കും ആപ്പുകളുടെ സംഭാവന 18 ലക്ഷം കോടി രൂപയാകുമെന്നും പഠനത്തിൽ പറയുന്നുണ്ട്. കേന്ദ്രമന്ത്രി മനോജ് സിന്‍ഹയാണ് റിപ്പോര്‍ട്ട് പുറത്തുവിട്ടത്.

malayalam.goodreturns.in