1.44 കോടി വാർഷിക ശമ്പളം വാഗ്ദാനം ചെയ്ത് ഗൂഗിൾ ചണ്ഡീഗഡ് സ്വദേശിയായ 16കാരനെ ജോലിക്ക് തിരഞ്ഞെടുത്തു. ഹർഷിത് ശർമ്മ എന്ന കൗമാരക്കാരൻ ഈ മാസം തന്നെ കമ്പനിയുടെ അമേരിക്കയിലുള്ള ഗ്രാഫിക് ഡിസൈനിംഗ് ടീമിൽ അംഗമാകും.
സർക്കാർ സ്കൂൾ വിദ്യാർത്ഥി
ചണ്ഡീഗഡ് സെക്ടർ 33ലെ സർക്കാർ മോഡൽ സീനിയർ സെക്കൻഡറി സ്കൂൾ വിദ്യാർത്ഥിയാണ് ഹർഷിത്ത്. ഗൂഗിളിന്റെ ഒരു വർഷത്തെ പരിശീലനത്തിനായാണ് ഹർഷിത്ത് അമേരിക്കയിലേയ്ക്ക് പോകുന്നത്.
മാസ ശമ്പളം 12 ലക്ഷം
പരിശീലന കാലയളവിൽ പ്രതിമാസം 4 ലക്ഷം രൂപയാണ് ഹർഷിത്തിന് സ്റ്റൈപ്പൻഡായി ലഭിക്കുക. പരിശീലനം പൂർത്തിയായാൽ ഒരു മാസം 12 ലക്ഷം രൂപയാണ് ശമ്പളം.
പത്ത് വർഷത്തെ പ്രാവീണ്യം
കഴിഞ്ഞ മേയിലാണ് ഹർഷിത്ത് ഗൂഗിളിൽ ജോലിക്കായി അപേക്ഷിച്ചത്. ഓൺലൈനായി കമ്പനി ഇൻറർവ്യൂവും നടത്തി. കഴിഞ്ഞ 10 വർഷമായി ഹർഷിത്ത് ഗ്രാഫിക് ഡിസൈനിംഗിൽ പ്രാവീണ്യം തെളിയിച്ച് കഴിഞ്ഞു. ഹർഷിത്ത് രൂപകല്പന ചെയ്ത പോസ്റ്ററുകളുടെ അടിസ്ഥാനത്തിലാണ് ഗൂഗിൾ ഈ പതിനാറുകാരനെ തെരഞ്ഞെടുക്കപ്പെട്ടത്.
സിനിമാതാരങ്ങളുടെ പോസ്റ്റർ
സ്കൂൾ പഠനകാലത്ത് ബോളിവുഡ്, ഹോളിവുഡ് താരങ്ങളുടെ പോസ്റ്ററുകൾ നിർമ്മിച്ച് നൽകിയും ഹർഷിത്ത് ശ്രദ്ധേയനായിരുന്നു. 40,000 മുതൽ 50,000 രൂപ വരെ വരുമാനം ഇങ്ങനെ നേടിയിരുന്നു.
കുടുംബം
ഹരിയാനയിലെ കുരുക്ഷേത്രയിൽ മതാന സ്വദേശിയാണ് ഹർഷിത്ത്. 11-ാം ക്ലാസ്സിൽ വിവര സാങ്കേതികവിദ്യയാണ് പഠനത്തിനായി തെരെഞ്ഞെടുത്തത്. ഹർഷിത്തിന്റെ മാതാപിതാക്കൾ സ്കൂൾ അധ്യാപകരാണ്. പ്രധാനമന്ത്രിയുടെ ഡിജിറ്റൽ ഇന്ത്യ പദ്ധതി പ്രകാരം 7,000 രൂപയുടെ അവാർഡും ഹർഷിത്ത് കരസ്ഥമാക്കിയിട്ടുണ്ട്.
malayalam.goodreturns.in