നോട്ട് നിരോധനത്തെപ്പറ്റി ഇപ്പോൾ പ്രചരിക്കുന്ന വാർത്തകൾ തെറ്റാണെന്ന് കേന്ദ്ര ധനകാര്യ മന്ത്രി അരുണ് ജെയ്റ്റ്ലി. നിലവിലുള്ള 2000 രൂപ നോട്ട് പിൻവലിക്കുന്ന കാര്യം പരിഗണനയിലില്ലെന്നും അദ്ദേഹം വ്യക്തമാക്കി.
പുതിയ 2000 രൂപാ നോട്ടുകളുടെ അച്ചടി റിസര്വ് ബാങ്ക് നിര്ത്തിവെച്ചെന്ന വാര്ത്തകള്ക്ക് പിന്നാലെയാണ് വീണ്ടുമൊരു നോട്ട് നിരോധനം സംബന്ധിച്ച ആശങ്കകള് ഉയര്ന്നത്. 500, 1000 രൂപാ നോട്ടുകള് പിൻവിലിച്ചതു പോലെ തന്നെ യാതൊരു മുന്നറിയിപ്പുമില്ലാതെ പുതിയ 2000 രൂപാ നോട്ടുകളും കേന്ദ്ര സര്ക്കാര് പിന്വലിക്കാന് സാധ്യതയുണ്ടെന്നായിരുന്നു പ്രചരണം.
ഇത് സംബന്ധിച്ച് കഴിഞ്ഞ മാസം പ്രതിപക്ഷം രാജ്യസഭയിൽ ചോദ്യങ്ങൾ ഉന്നയിച്ചെങ്കിലും അന്ന് ധനമന്ത്രി അരുൺ ജയ്റ്റ്ലി പ്രതികരിച്ചിരുന്നില്ല.
ഇതോടെ ആശങ്കകൾ വർദ്ധിച്ചു. കൂടുതൽ വാർത്തകൾ പ്രചരിക്കാനും തുടങ്ങി.
നാളെ 200 രൂപയുടെ നോട്ടുകൾ പുറത്തിറക്കുമെന്ന് ആർബിഐ പുറത്തിറക്കിയ വാർത്ത കുറുപ്പിൽ വ്യക്തമാക്കിയിരുന്നു. ഇതോടെ ചില്ലറക്ഷാമത്തിന് പരിഹാരമാകുമെന്നാണ് പ്രതീക്ഷ.
malayalam.goodreturns.in