കോഫീ ഷോപ്പ്

കോഫീ ഷോപ്പുകളിൽ ധാരാളം പണം ചെലവഴിക്കുന്നവർ നമുക്കിടയിലുണ്ട്. കാപ്പികുടി ഒരു ശീലമായി മാറിക്കഴിഞ്ഞാൽ അതിനായി എത്ര പണം വേണമെങ്കിലും പലരും ചെലവാക്കും. അതുകൊണ്ട് തന്നെ പല തരം കാപ്പികളുമായി കോഫീ ഷോപ്പുകളും സജീവമാണ്. എന്നാൽ ഇവയുടെ വില കേട്ടാൽ സാധരണക്കാർ ഞെട്ടും.

എടിഎം ഫീസ്

ബാങ്ക് എടിഎമ്മുകൾ കൂടുതൽ സൗകര്യപ്രദമായ ഒന്നാണ്. എന്നാൽ ഇവയുടെ സർവ്വീസ് നിങ്ങളുടെ പോക്കറ്റ് കാലിയാക്കും. ഒരു മാസം തന്നെ പല തവണ നമ്മൾ പണം പിൻവലിക്കാൻ എടിഎമ്മിൽ പോകുന്നുണ്ട്. എന്നാൽ ഒരു മാസം മൂന്ന് തവണയിൽ കൂടുതൽ ഇത്തരത്തിൽ പണം പിൻവലിച്ചാൽ നിങ്ങളിൽ നിന്ന് ബാങ്ക് സർവ്വീസ് ചാർജ് ഈടാക്കും. നിങ്ങളുടെ അക്കൗണ്ടുള്ള അതേ ബാങ്കിൽ നിന്നാണെങ്കിൽ അഞ്ച് തവണ വരെ പണം സൗജന്യമായി പിൻവലിക്കാം.

പുകവലി

ഒരു സി​ഗരറ്റിന് 12 മുതൽ 15 രൂപ വരെയാണ് ഇപ്പോഴത്തെ ചെലവ്. അപ്പോൾ ഒരു ദിവസം 10ഉം 15 ഉം വരെ സി​ഗരറ്റുകൾ ഉപയോ​ഗിക്കുന്നവരുടെ ചെലവ് കണക്കു കൂട്ടാമല്ലോ. ഒരു ദിവസം ഭക്ഷണം കഴിക്കാൻ ചെലവാക്കുന്നതിനേക്കാൾ പണം ഇത്തരക്കാ‍ർ സി​ഗരറ്റിനായി ചെലവഴിക്കുന്നുണ്ട്. ഈ ശീലം മാറ്റാനായാൽ നിങ്ങൾക്ക് പണവും ലാഭിക്കാം ആരോ​ഗ്യവും സംരക്ഷിക്കാം.

ഹോട്ടൽ ഭക്ഷണം

ഹോട്ടൽ ഭക്ഷണം ഓർഡർ ചെയ്ത് കഴിക്കുന്ന ശീലം മലയാളികൾക്ക് വർദ്ധിച്ച് വരികയാണ്. എന്നാൽ ഇത് നിങ്ങളുടെ ആരോഗ്യത്തെയും ബാങ്ക് ബാലൻസിനെയും കാര്യമായി തന്നെ ബാധിക്കും.