രാജ്യത്തെ ഏഴ് രാഷ്ട്രീയ പാര്‍ട്ടികളില്‍ ബിജെപി ആണ് ഏറ്റവും സമ്പന്നമായ പാര്‍ട്ടിയെന്ന് ഡെമോക്രാറ്റിക് റീഫോംസ് അസോസിയേഷന്റെ റിപ്പോര്‍ട്ട്. ബിജെപിയുടെ ആസ്തി കഴിഞ്ഞ 11 വര്‍ഷത്തിനിടെ 627.15 ശതമാനം വര്‍ധിച്ചു. 2004-05ല്‍ 122.93 കോടിയായിരുന്ന ബിജെപിയുടെ ആസ്തി 2015-16ല്‍ 893.88 കോടി ആയാണ് വര്‍ധിച്ചത്.

കോണ്‍ഗ്രസാണ് രണ്ടാം സ്ഥാനത്ത് നില്‍ക്കുന്നത്. ഇതേ കാലയളവില്‍ 759 കോടി രൂപയാണ് കോണ്‍ഗ്രസിന്റെ ആസ്തി. എന്നാല്‍ 329 കോടി രൂപയാണ് കോണ്‍ഗ്രസിന് ബാധ്യതയായി കണക്കാക്കിയത്. ബിജെപിയുടെ ബാധ്യത വെറും 25 കോടി രൂപ മാത്രമാണ്.

മൂന്നാം സ്ഥാനത്ത് 557 കോടി രൂപയുടെ ആസ്തിയോടെ ബിഎസ്പി ആണുളളത്. സിപിഎം 432 കോടി രൂപ ആസ്തിയോടെ നാലാം സ്ഥാനത്താണ്.

വസ്തുവകകള്‍, പണം, വാഹനം, നിക്ഷേപം, വായ്പകള്‍, പ്രതീക്ഷിത വരുമാനം തുടങ്ങിയവ ഉള്‍പ്പെടുത്തിയാണ് ആസ്തി കണക്കാക്കിയത്. അതേ സമയം ബാങ്കുകളില്‍ നിന്നെടുത്ത വായ്പകളാണ് പ്രധാനമായും ബാധ്യതയായി കണക്കാക്കിയത്.

malayalam.goodreturns.in