നോട്ട് നിരോധനത്തിന് ശേഷം റിയൽ എസ്റ്റേറ്റ് മേഖലയിൽ കനത്ത ഇടിവാണ് രേഖപ്പെടുത്തുന്നത്. അതുകൊണ്ട് തന്നെ ഡൽഹിയിൽ ആഡംബര വീടുകളുടെ വിലയിൽ 3.1 ശതമാനം കുറവുണ്ട്. ബംഗളുരുവിൽ 0.8 ശതമാനം വിലക്കുറവാണുള്ളത്.

എന്നാൽ, 2017 സെപ്തംബർ വരെയുള്ള കണക്കനുസരിച്ച് മുംബൈയിൽ ആഡംബര വീടുകളുടെ വിലയിൽ 0.6 ശതമാനം വർദ്ധനവും രേഖപ്പെടുത്തിയിട്ടുണ്ട്. ഇന്റർനാഷണൽ പ്രോപ്പർട്ടി കൺസൽട്ടന്റ് കമ്പനിയായ നൈറ്റ് ഫ്രാങ്ക് ഇന്ത്യ നടത്തിയ പഠനത്തിലാണ് ഇക്കാര്യങ്ങൾ വ്യക്തമാക്കിയിരിക്കുന്നത്.

ഡൽഹിലാണ് വില ഏറ്റവും കുറഞ്ഞത്. ആഡംബര വീടുകളുടെ വിലയിൽ 31-ാം സ്ഥാനത്തു നിന്ന ഡൽഹി ഇപ്പോൾ 36-ാം സ്ഥാനത്താണ്. നോട്ട് നിരോധനമാണ് റിയൽ എസ്റ്റേറ്റ് മേഖലയിലെ വിലയിടിവിന് പ്രധാന കാരണമെന്നാണ് വിദഗ്ധരുടെ വിലയിരുത്തൽ.

ആഡംബര വീടുകളുടെ കാര്യത്തിൽ മാത്രമല്ല, റിയൽ എസ്റ്റേറ്റ് രംഗത്തെ മറ്റ് മേഖലകളിലും ഇത് ബാധിച്ചിട്ടുണ്ട്. ഹോം കോങ്ങിലെ ഗ്വാംസോവുവാണ് ആഡംബര വീടുകളുടെ വിലയുടെ കാര്യത്തിൽ ഏറ്റവും മുന്നിൽ നിൽക്കുന്നത്.

malayalam.goodreturns.in