ഗൂഗിളിന്റെ മൊബൈൽ വാലറ്റ് ആപ്പ് ആയ ഗൂഗിൾ തേസ് വെറും 10 ആഴ്ചകൾ കൊണ്ട് നേടിയത് 1.2 കോടി ഉപഭോക്താക്കളെ. ഈ ചെറിയ കാലയളവിൽ 140 മില്യൺ ഇടപാടുകളാണ് ​ഗൂ​ഗിൾ തേസ് വഴി നടന്നത്.

ബിഎസ്ഇഎസ്, ഡിഷ് ടിവി എന്നിവയുൾപ്പെടെ 70 ഓളം സേവനദാതാക്കളുമായി ​ഗൂ​ഗിൾ തേസ് ബന്ധിപ്പിക്കാൻ ഒരുങ്ങുകയാണ് കമ്പനി. അടുത്ത ഏതാനും ആഴ്ചകൾക്കുള്ളിൽ കൂടുതൽ സേവനദാതാക്കളെ കൂട്ടിച്ചേർക്കാനും സർവീസ് തുടങ്ങാനും പദ്ധതിയുണ്ട്.

280 മില്യൺ ഉപഭോക്താക്കളുള്ള പേടിഎം പോലുള്ള വിപണിയിലെ മുൻനിരക്കാരെയും പേയ്മെന്റ് ബാങ്കുകളെയും തേസുമായി ബന്ധിപ്പിക്കാൻ സാധ്യതയുണ്ട്. കൂടാതെ കൂടുതൽ വ്യാപാരികളെയും റീട്ടെയ്ൽ വിൽപനക്കാരെയും തേസ് ഉപഭോക്താക്കളാക്കാനും കമ്പനി ലക്ഷ്യമിടുന്നുണ്ട്.

2018ൽ വ്യാപാരികൾക്ക് വേണ്ടി തേസിൽ കൂടുതൽ സേവനങ്ങൾ ഉൾപ്പെടുത്തും. ആക്സിസ് ബാങ്ക്, എച്ച്ഡിഎഫ്സി, ഐസിഐസിഐ, എസ്ബിഐ തുടങ്ങിയ ബാങ്കുകളുമായും ​ഗൂ​ഗിൾ തേസ് ബന്ധിപ്പിച്ചിട്ടുണ്ട്.

malayalam.goodreturns.in