ഇന്ത്യൻ റെയിൽവേ ഇനി സിസിടിവി നിരീക്ഷണത്തിൽ. 12 ലക്ഷം സിസിടിവി കാമറകൾ സ്ഥാപിക്കുന്നത് സംബന്ധിച്ച് വരാനിരിക്കുന്ന ബജറ്റിൽ പ്രഖ്യാപനമുണ്ടാകുമെന്നാണ് വിലയിരുത്തൽ.

11,000 ട്രെയിനുകളിലും 85,00 സ്റ്റേഷനുകളിലും സിസിടിവി കാമറകൾ സ്ഥാപിക്കുമെന്നാണ് വിവരം. നിലവില്‍ 395 സ്റ്റേഷനുകളിലും 50 ട്രെയിനുകളിലും സിസിടിവി സംവിധാനങ്ങളുണ്ട്. 2018-19 വര്‍ഷത്തെ ബജറ്റില്‍ ഈ പദ്ധതിക്കായി 3,000 കോടി മാറ്റിവയ്ക്കും.

ട്രെയിനിലെ ഓരോ കോച്ചുകളിലും എട്ട് ക്യാമറകള്‍ വീതം സ്ഥാപിക്കാനാണ് റെയില്‍വെ ഒരുങ്ങുന്നത്. വാതിലുകളും സീറ്റുകള്‍ക്ക് മധ്യത്തിലുള്ള ഇടനാഴിയും അടക്കം നിരീക്ഷിക്കാന്‍ കഴിയുന്ന തരത്തിലാകും കാമറകള്‍ സജ്ജീകരിക്കുക.

രാജധാനി, തുരന്തോ, ശതാബ്ദി തുടങ്ങിയ പ്രീമിയം ട്രയിനുകള്‍ മുതല്‍ പാസഞ്ചര്‍ ട്രെയിനുകള്‍ വരെയുള്ള എല്ലാ ട്രെയിനുകളിലും രണ്ടു വര്‍ഷത്തിനകം ക്യാമറകള്‍ സ്ഥാപിക്കുമെന്നാണ് ഉന്നത റെയില്‍വെ ഉദ്യോഗസ്ഥര്‍ നൽകുന്ന വിവരം.

malayalam.goodreturns.in