എൻഡിഎ സർക്കാരിന്റെ ഈ ടേമിലെ അവസാന ബജറ്റാണ് ഫെബ്രുവരി 1ന് ധനമന്ത്രി അരുൺ ജയ്റ്റ്ലി അവതരിപ്പിക്കാനിരിക്കുന്നത്. പൊതു തിരഞ്ഞെടുപ്പിന് മുമ്പുള്ള ബഡ്ജറ്റായതിനാൽ എൻഡിഎ സർക്കാരിന്റെ ഭാവി കൂടി നിശ്ചയിക്കുന്ന ബജറ്റാകും ഇത്. ബജറ്റിൽ ഇളവ് പ്രഖ്യാപിക്കാൻ സാധ്യതയുള്ള മേഖലകൾ താഴെ പറയുന്നവയാണ്.
ആദായ നികുതി
ഇത്തവണത്തെ ബജറ്റിൽ നിരവധി ആദായ നികുതി ഇളവുകൾക്ക് സാധ്യതയുണ്ടെന്നാണ് വിലയിരുത്തൽ. ഇൻകം ടാക്സ് നൽകേണ്ട പരിധി 2.5 ലക്ഷത്തിൽ നിന്നും 3 ലക്ഷമായി ഉയർത്താൻ സാധ്യതയുണ്ട്. കൂടാതെ വിദ്യാഭ്യസ വായ്പ, ആദ്യമായി എടുക്കുന്ന ഭവന വായ്പ എന്നിവയുടെ പലിശ കുറയാനും സാധ്യതയുണ്ട്.
തൊഴിൽ സാധ്യത
എൻഡിഎ സർക്കാരിന്റെ തിരഞ്ഞെടുപ്പ് വാഗ്ദാനങ്ങളിലൊന്നാണ് 2014 തെരഞ്ഞെടുപ്പിൽ വിജയിച്ചാൽ യുവാക്കൾക്ക് തൊഴിലവസരങ്ങൾ സൃഷ്ടിക്കുമെന്നത്. ഈ ബജറ്റിലും അതിനായുള്ള പദ്ധതികൾ ഉണ്ടാകുമെന്നാണ് പ്രതീക്ഷ.
കാർഷിക മേഖല
കർഷകർ രാജ്യവ്യാപകമായി പ്രതിഷേധങ്ങളും പ്രക്ഷോഭങ്ങളും സംഘടിപ്പിക്കുന്നതിനാൽ ബജറ്റിൽ കാർഷിക മേഖലയ്ക്ക് ഗുണകരമായ പ്രഖ്യാപനങ്ങൾ ഉണ്ടാകാൻ ഇടയുണ്ട്. ഇത് മൊത്തം സമ്പദ്വ്യവസ്ഥയ്ക്കും ഗുണകരമാകും.
സ്കിൽ ഇന്ത്യ
2015 ൽ തന്നെ സർക്കാർ സ്കിൽ ഇന്ത്യ പ്രോഗ്രാം നടപ്പിലാക്കാൻ ശ്രമിച്ചെങ്കിലും അത് വിജയം കണ്ടില്ല. എന്നാൽ കൂടുതൽ ആളുകൾക്ക് തൊഴിലവസരങ്ങൾ സൃഷ്ടിക്കുന്നതിനായി ഈ പദ്ധതിയിൽ കൂടുതൽ മാറ്റങ്ങൾ വരുത്തിയേക്കാം.
malayalam.goodreturns.in