ആധാർ കാ‍‍‍ർഡ് അപ്ഡേറ്റ് ചെയ്യാനോ പുതിയ കാ‍ർഡുകൾ എടുക്കാനോ അവസാന തീയതി ഇല്ലെന്ന് യൂണിക്ക് ഐഡ‍ന്റിഫിക്കേഷൻ അതോറിറ്റി ഓഫ് ഇന്ത്യ. സോഷ്യൽ മീഡിയയിൽ ചില വ്യാജ പ്രചരണങ്ങൾ നടന്നതിനെ തുട‍ർന്നാണ് യുഐഡിഎഐ ഇക്കാര്യം വ്യക്തമാക്കിയത്. ഇത്തരം പ്രചരണങ്ങൾ വിശ്വസിക്കരുതെന്നും യുഐഎഡിഐ പറഞ്ഞു.

ആധാർ എൻറോൾമെന്റ് അല്ലെങ്കിൽ വിവരങ്ങൾ അപ്ഡേറ്റ് ചെയ്യാനായി വ്യക്തികൾക്ക് എപ്പോൾ വേണമെങ്കിലും ആധാ‍‍‍ർ കേന്ദ്രങ്ങൾ സന്ദർശിക്കാവുന്നതാണ്. ബാങ്ക് ശാഖകളിലും പോസ്റ്റ് ഓഫീസുകളിലും ഇപ്പോൾ ആധാർ എടുക്കാനോ പുതിയ വിവരങ്ങൾ അപ്ഡേറ്റ് ചെയ്യാനോ സാധിക്കും.

യുഐഡിഎഐയുടെ പോ‍ർട്ടലിലൂടെ ഓൺലൈനായും വിവരങ്ങൾ അപ്ഡേറ്റ് ചെയ്യാം. 1947 എന്ന ഹെൽപ്പ് ലൈൻ നമ്പ‍ർ വഴി ആധാർ സംബന്ധിച്ചുള്ള നിങ്ങളുടെ സംശയങ്ങൾക്ക് മറുപടിയും ലഭിക്കും.

വിലാസത്തിലും മറ്റും തിരുത്തൽ വരുത്താൻ www.uidai.gov.in എന്ന വെബ്സൈറ്റ് വഴി എളുപ്പത്തിൽ സാധിക്കും. വെറും നാല് സ്റ്റെപ്പുകൾ മാത്രമാണ് ഇതിന് ആവശ്യം.

malayalam.goodreturns.in