സാധാരണക്കാരുടെ ഇഷ്ട്ട കാറായ മാരുതി സുസുക്കി ആൾട്ടോയുടെ ഇന്ത്യയിലെ വിൽപ്പന 35 ലക്ഷം കടന്നു. മാരുതി ആൾട്ടോയുടെ ഈ ഉയർച്ച ഇന്ത്യൻ മധ്യവർഗത്തിന്റെ വളർച്ചയെയാണ് സൂചിപ്പിക്കുന്നത്. കാരണം ഇടത്തരക്കാരാണ് ആൾട്ടോയുടെ ആരാധകർ.
നിസ്സാൻ, റിനോൾട്ട് തുടങ്ങിയ ബ്രാൻഡുകൾ ആൾട്ടോയെ പിന്നിലാക്കാൻ ശ്രമിച്ചെങ്കിലും ആളുകൾക്ക് മാരുതിയോടുള്ള പ്രിയം ഒട്ടും കുറഞ്ഞിട്ടില്ല എന്ന് വ്യക്തമാക്കുന്നതാണ് കണക്കുകൾ. കുറഞ്ഞ വിലയും മികച്ച ഇന്ധനക്ഷമതയുമാണ് ഈ കുഞ്ഞൻ കാറിന്റെ പ്രത്യേകത.
2000 സെപ്തംബറിൽ മാരുതി 800 ന്റെ പിൻഗാമിയായാണ് മാരുതി സുസുക്കി ആൾട്ടോ ആദ്യമായി ഇന്ത്യയിൽ വിപണിയിലിറക്കിയത്. മാപിന്നീട് ആൾട്ടോയുടെ തന്നെ നിരവധി പതിപ്പുകളും കമ്പനി പരിചയപ്പെടുത്തി.
ശ്രീലങ്ക, അൾജീരിയ, ചിലി, യുകെ, നെതർലൻഡ് തുടങ്ങി 70 രാജ്യങ്ങളിലേക്ക് മാരുതി 4 ലക്ഷത്തിലധികം ആൾട്ടോ കാറുകൾ കയറ്റുമതി ചെയ്തിട്ടുമുണ്ട്. വിദേശ കമ്പനികളെ അപേക്ഷിച്ച് സുരക്ഷാ സന്നാഹങ്ങളും മറ്റു സൗകര്യങ്ങളും കുറവാണ് എന്നുള്ളതാണ് കാറിന്റെ പോരായ്മ.
malayalam.goodreturns.in