ഇന്ത്യൻ സമ്പദ്ഘടന നേട്ടത്തിലേയ്ക്ക് കുതിക്കുന്നു. കേന്ദ്രസർക്കാർ പുറത്തുവിട്ട കണക്കനുസരിച്ച് രാജ്യത്തെ മൊത്തം ആഭ്യന്തര ഉൽപാദനം 2017 - 18 സാമ്പത്തിക വർഷത്തിലെ മൂന്നാം പാദത്തിൽ 7.2 ശതമാനം വരെ വർദ്ധിച്ചു.

കഴിഞ്ഞ അഞ്ചു പാദങ്ങളിൽ വച്ച് ഏറ്റവും വേഗതയേറിയ വളർച്ചയാണ് ഇത്. പ്രതീക്ഷിച്ചതിനേക്കാൾ വളരെ വലുതാണ് ഇത്തവണത്തെ നേട്ടം. സാമ്പത്തിക വിദഗ്ധർ 6.9 ശതമാനം വളർച്ചയാണ് ഇത്തവണ പ്രവചിച്ചിരുന്നത്. എന്നാൽ ഇന്ത്യ 7.2 ശതമാനത്തിലേക്ക് ഉയ‍ർന്നു.

നോട്ടു നിരോധനം ഏൽപ്പിച്ച ആഘാതത്തിൽ നിന്ന് രാജ്യം മോചിതമായെന്നതിന്റെ സൂചനയാണ് ജിഡിപി വളർച്ച നിരക്കിലെ ഈ നേട്ടം. നോട്ട് നിരോധനം മാത്രമല്ല ചരക്ക്, സേവന നികുതിയും (ജിഎസ്ടി) വളർച്ചാ നിരക്ക് കുറയാൻ കാരണമാണെന്നായിരുന്നു സാമ്പത്തിക വിദ​ഗ്ധർ വ്യക്തമാക്കിയിരുന്നത്.

ഏപ്രിൽ-ജൂൺ പാദത്തിൽ മൂന്നു വർഷത്തിനുള്ളിലെ ഏറ്റവും കുറവ് വളർച്ചയാണ് രേഖപ്പെടുത്തിയിരുന്നത്. 5.7 ശതമാനമായിരുന്നു വളർച്ചാ നിരക്ക്. എന്നാൽ ഇത്തവണ ഈ കോട്ടം മറികടന്നു.

malayalam.goodreturns.in