ശ്രീ ഗുരു ഗോബിന്ദ് സിംഗ് ജിയുടെ 350-ാം ജന്മവാർഷികത്തോടനുബന്ധിച്ച് ആർബിഐ 350 രൂപയുടെ ലിമിറ്റഡ് എഡിഷൻ നാണയങ്ങൾ ഉടൻ പുറത്തിറക്കും. നാണയത്തിന്റെ മുൻഭാഗത്ത് 'അശോക സ്തംഭം' ആലേഖനം ചെയ്തിട്ടുണ്ടാകും. 

നാണയത്തിൻറെ ചുറ്റളവ് 44 മില്ലീമീറ്ററാണ്. 50 ശതമാനം ക്വാട്ടേണറി അലോയ്-സിൽവറും 40 ശതമാനം കോപ്പറും 05 ശതമാനം നിക്കലും 05 ശതമാനം സിങ്കും ചേർത്താണ് നാണയം നിർമ്മിച്ചിരിക്കുന്നത്.

നാണയത്തിൽ സത്യമേവ ജയതേ എന്നും ഭാരതം എന്ന് ദേവനാഗിരി ഭാഷയിലും ഇന്ത്യ എന്ന് ഇംഗ്ലീഷിലും രേഖപ്പെടുത്തിയിട്ടുണ്ട്. നാണയത്തിന്റെ എതിർ വശത്ത് 'തക്ത് ശ്രീ ഹരിമന്ദിർ ജി പട്ന സാഹിബിന്റെ ചിത്രമാണ് ആലേഖനം ചെയ്തിരിക്കുന്നത്.

കൂടാതെ ശ്രീ ഗുരു ഗോബിന്ദ് സിംഗ് ജിയുടെ 350-ാമത് പ്രകാശ ഉത്സവം എന്ന് ദേവനാഗരി ലിപിയിലും ഇംഗ്ലീഷിലും നാണയത്തിന് ചുറ്റും എഴുതിയിട്ടുണ്ട്. നാണയത്തിന്റെ തൂക്കം 34.65 ഗ്രാം മുതൽ 35.35 ഗ്രാം വരെയാണ്. പുറത്തിറക്കുന്ന നാണയത്തിന്റെ കൃത്യമായ എണ്ണം റിസർവ് ബാങ്ക് വ്യക്തമാക്കിയിട്ടില്ല.

malayalam.goodreturns.in