ആദായനികുതി വകുപ്പിന്റെ പെർമനന്റ് അക്കൗണ്ട് നമ്പരും (പാൻ) ആധാറും തമ്മിൽ ബന്ധിപ്പിക്കുന്നതിനുള്ള സമയ പരിധി ജൂൺ 30 വരെ നീട്ടി. മാർച്ച് 31 ആയിരുന്നു നേരത്തേ നൽകിയിരുന്ന സമയപരിധി.
എന്നാൽ സുപ്രീംകോടതി നിർദേശത്തെ തുടർന്നാണ് സെൻട്രൽ ബോർഡ് ഓഫ് ഡയറക്ടറേറ്റ് ടാക്സസ് (സിബിഡിടി) തീയതി നീട്ടിയത്. മാര്ച്ച് അഞ്ച് വരെയുള്ള കണക്കനുസരിച്ച് 33 കോടി പാനുകളിൽ 16.65 കോടി ഇതിനകം ആധാറുമായി ബന്ധിപ്പിച്ചിട്ടുണ്ട്.
ഇത് നാലാം തവണയാണ് ആധാറും പാന് കാര്ഡും തമ്മില് ബന്ധിപ്പിക്കുന്നതിനുള്ള സമയം സര്ക്കാര് നീട്ടി നല്കുന്നത്. അതേസമയം ക്ഷേമപദ്ധതികളുമായി ആധാര് ബന്ധിപ്പിക്കേണ്ട അവസാന തീയതി 2018 മാര്ച്ച് 31 തന്നെയാണ്. ആധാറും മ്യൂച്വൽ ഫണ്ടും തമ്മിൽ ബന്ധിപ്പിക്കേണ്ട അവസാന തീയതിയും മാർച്ച് 31 തന്നെ.
ആധാര് പാന്കാര് ബന്ധിപ്പിക്കുന്നതിന് പുറമേ പുതിയ പാന്കാര്ഡ് എടുക്കുന്നതിനും ആധാര് നിര്ബന്ധമാണ്. ചീഫ് ജസ്റ്റിസ് ദീപക് മിശ്ര അദ്ധ്യക്ഷനായ അഞ്ചംഗ ഭരണഘടന ബെഞ്ചായിരുന്നു കഴിഞ്ഞ തവണ തീയതി മാർച്ച് 31ലേയ്ക്ക് മാറ്റിയത്.
malayalam.goodreturns.in