പോ‍ർട്ടബിലിറ്റി

മറ്റ് സിം ഉപയോഗിക്കുന്നവര്‍ക്ക് നമ്പര്‍ മാറ്റാതെ തന്നെ ജിയോ പോസ്റ്റ് പെയ്ഡിലേക്ക് മാറാനും സൗകര്യമുണ്ട്. ജിയോ പോസ്റ്റ് പൈഡ് സബ്സ്ക്രൈബ് ചെയ്യുന്നവര്‍ക്ക് മുമ്പത്തെ സര്‍വീസികളില്‍ തടസ്സം ഉണ്ടാകാതെ തന്നെ തുടരാനായി കമ്പനിയുടെ സീറോ ടച്ച് സംവിധാനം സഹായിക്കും. കോളുകള്‍, ഇന്റര്‍നെറ്റ്, എസ്എംഎസ്, അന്താരാഷ്ട്ര കോളുകള്‍ എന്നിവയൊക്കെ ഇതില്‍ പെടും.

ബിൽ മെയിലിൽ വരും

എല്ലാ മാസാവസാനവും ഇ മെയിലില്‍ സന്ദേശം വരുന്ന രീതിയില്‍ യഥാസമയം ഇ-ബില്‍ പരിശോധിക്കാനുളള സംവിധാനവും കമ്പനി ഒരുക്കിയിട്ടുണ്ട്. ഓട്ടോ-പേ സംവിധാനത്തിലൂടെ അണ്‍ലിമിറ്റഡ് പ്ലാനുകളും ഉപയോക്താക്കള്‍ക്ക് ലഭ്യമാകും.

199 രൂപയുടെ പ്ലാൻ

പുതിയ പോസ്റ്റ് പെയ്ഡ് അവതരിപ്പിക്കുന്നതിന്റെ ഭാഗമായി ജിയോ 199 രൂപയ്ക്ക് 25 ജിബി ഡാറ്റ ലഭ്യമാകുന്ന പ്ലാനാണ് അവതരിപ്പിച്ചിരിക്കുന്നത്. വോഡാഫോണും എയര്‍ടെലും നല്‍കുന്നതിനേക്കാള്‍ കുറഞ്ഞ വിലയ്ക്കാണ് ജിയോയുടെ പോസ്റ്റ് പെയ്ഡ് പ്ലാന്‍. 499 രൂപ മുതലാണ് വൊഡാഫോണിന്റെയും എയ‍ർടെല്ലിന്റെയും പ്ലാനുകള്‍ തുടങ്ങുന്നത്.

അന്താരാഷ്ട്ര കോളുകൾക്ക് മിനിട്ടിന് 50 പൈസ

മിനിട്ടിന് 50 പൈസ എന്ന നിരക്കില്‍ ജിയോ അന്താരാഷ്ട്ര കോളുകളും ലഭ്യമാക്കും. അമേരിക്കയ്ക്കും കാനഡയ്ക്കും ഇതേ നിരക്കില്‍ തന്നെ കോളുകള്‍ ചെയ്യാനാവും. മറ്റ് സര്‍വീസ് നിരക്കുകളൊന്നുമില്ലാതെയാണ് ഇത് ലഭ്യമാക്കുക.

മറ്റ് ഓഫറുകൾ

പുതിയ മൂന്ന് അന്താരാഷ്ട്ര റോമിംഗ് പാക്കുകളും ജിയോ അവതരിപ്പിച്ചു. 575 രൂപ, , 5,751 രൂപ എന്നിവയുടേതാണ് മറ്റ് ഓഫറുകൾ. 575 രൂപയുടെ പാക്കിന് ഒരു ദിവസം മാത്രമാണ് വാലിഡിറ്റിയുള്ളത്. 2,875 രൂപയുടെ പായ്ക്കിന് ഏഴു ദിവസവും 5,751രൂപയുടെ പായ്ക്കിന് 30 ദിവസവും വാലിഡിറ്റി ലഭിക്കും. മറ്റ് ആനുകൂല്യങ്ങൾക്ക് പുറമേ 575 രൂപയുടെയും 2,875 രൂപയുടെയും പായ്ക്കിനൊപ്പം 250 ജിബി ഹൈ സ്പീഡ് ഡാറ്റയും 5751 രൂപയുടെ പായ്ക്കിനൊപ്പം 5ജിബി ഹൈ സ്പീഡ് ഡാറ്റയുമാണ് ലഭിക്കുക.