ഓഫറുകൾ

ഇന്ത്യയ്ക്കകത്ത് പരിധിയില്ലാതെ വിളിക്കാൻ കഴിയുന്ന സിം ആണ് പതഞ്ജലി അവതരിപ്പിക്കുക. 144 രൂപക്ക് ചാർജ് ചെയ്താൽ 2 ജിബി ഡാറ്റയ്ക്കൊപ്പം 100 സൗജന്യ എസ്എംഎസും ലഭിക്കും. ബിഎസ്എൻഎല്ലിന്റെ എല്ലാ ഓഫീസുകളിലും പതഞ്ജലി കാർഡ് ലഭ്യമാകും.

ആദ്യം ജീവനക്കാർക്ക്

ആദ്യ ഘട്ടത്തിൽ പതഞ്‌ജലി ജീവനക്കാർക്കാണ് സിം നൽകുന്നത്. പൊതുജനങ്ങൾക്ക് സിം ലഭ്യമാകുമ്പോൾ പതഞ്‌ജലി ഉത്പന്നങ്ങൾക്ക് വിലയിൽ 10 ശതമാനം ഇളവും ലഭിക്കും. കാർഡുടമകൾക്ക് സൗജന്യ ഇൻഷുറൻസും ലഭ്യമാകും. 2.5 ലക്ഷം രൂപയുടെ മെഡിക്കൽ ഇൻഷുറൻസും അഞ്ചു ലക്ഷത്തിന്റെ ലൈഫ് ഇൻഷുറൻസുമാണ് ലഭിക്കുക.

ബിസിനസ് വളർച്ച

ബിസിനസിൽ കഴിഞ്ഞ വർഷങ്ങളിൽ വമ്പൻ വളർച്ചയാണ് പതഞ്ജലി നേടിയത്. 2016 -17 ൽ കമ്പനി 1193 കോടി രൂപയുടെ ലാഭം നേടി. വരുമാനം 87 ശതമാനം ഉയർന്ന് 10,562 കോടി രൂപയിലെത്തി. ഇലക്ട്രിക്ക് വാഹന നിർമ്മാണം, മൊബൈൽ ചിപ്പ്, സോളാർ പവർ നിർമ്മാണം എന്നീ മേഖലകളിലും പതഞ്ജലി ബിസിനസ് ആരംഭിക്കാൻ പദ്ധതിയിടുന്നുണ്ട്.

തുടക്കം

2006 ജനുവരിയിലാണ് പതഞ്ജലി ആരംഭിക്കുന്നത്. ഇപ്പോൾ രണ്ടു ലക്ഷത്തിൽ കൂടുതൽ ജീവനക്കാർ ഉണ്ട് കമ്പനിയിൽ.