നിലവിലെ പലിശ

2016-17ൽ ഇ.പി.എഫ്. പലിശ 8.8 ശതമാനത്തിൽ നിന്ന് 8.65 ശതമാനമാക്കി കുറച്ചിരുന്നു. 8.55 ശതമാനമാണ് നിലവിലെ പലിശ നിരക്ക്. ഇതാണ് ഇപ്പോൾ വീണ്ടും 8.65 ശതമാനമായി ഉയർത്താൻ പോകുന്നത്. ഫെബ്രുവരിയിൽ കേന്ദ്ര തൊഴിൽമന്ത്രി സന്തോഷ് ഗംഗവാറിന്റെ അധ്യക്ഷതയിൽ ചേർന്ന ഇ.പി.എഫ്.ഒ. ഉന്നതാധികാര യോഗത്തിലാണ് പലിശ വർദ്ധിപ്പിക്കാൻ തീരുമാനിച്ചത്.

നടപടികൾ ഇങ്ങനെ

ധനമന്ത്രാലയത്തിന്റെ അംഗീകാരം ലഭിച്ച ശേഷം ആദായ നികുതി വകുപ്പും തൊഴിൽ മന്ത്രാലയവും നിരക്ക് വിജ്ഞാപനം ചെയ്യും. അതിനുശേഷമായിരിക്കും പുതിയ നിരക്കിൽ പലിശ നൽകാൻ ഇ.പി.എഫ്.ഒ. അതിന്റെ 120 പ്രാദേശിക ഓഫീസുകൾക്ക് നിർദേശം നൽകുക.

ഏറ്റവും കുറഞ്ഞ പലിശ നിരക്ക്

ഇപിഎഫ്ഒ 2017-18 കാലഘട്ടത്തിൽ 8.55 ശതമാനം പലിശ നിരക്കാണ് ഉപഭോക്താക്കൾക്ക് നൽകിയിരുന്നത്. കഴിഞ്ഞ അഞ്ച് വർഷത്തിനിടയിലെ ഏറ്റവും കുറഞ്ഞ പലിശ നിരക്കാണിത്. മൂന്ന് വർഷത്തിനിടയിൽ ആദ്യമായാണ് ഇപ്പോൾ നിരക്ക് ഉയർത്തുന്നത്.