48 രൂപയുടെ പ്ലാൻ

എയർടെല്ലിന്റെ പുതിയ പ്ലാൻ ആദ്യത്തേത് 48 രൂപയുടെ റീച്ചാർജ് പ്ലാനാണ്. 3 ജി, 4 ജി നെറ്റ്വർക്കുകളിൽ ഉപയോ​ഗിക്കാവുന്ന പ്ലാനാണിത്. ഈ ഓഫർ അനുസരിച്ച് 3 ജിബി ഡാറ്റയാണ് കമ്പനി വാഗ്ദാനം ചെയ്യുന്നത്. 28 ദിവസമാണ് പ്ലാനിന്റെ കാലാവധി. എന്നാൽ ഡേറ്റ മാത്രമേ ഈ പ്ലാനിലൂടെ ലഭ്യമാകൂ.

98 രൂപയുടെ പ്ലാൻ

എയർടെല്ലിന്റെ 98 രൂപയുടെ പ്ലാൻ അനുസരിച്ച് 3 ജി, 4 ജി നെറ്റ്‍വർക്കുകളിൽ 6ജിബി ഡാറ്റ ഉപയോഗിക്കാം. 28 ദിവസമാണ് ഈ പ്ലാനിന്റെയും കാലാവധി. എന്നാൽ, 98 രൂപയുടെ ഈ പ്ലാൻ അനുസരിച്ച് 10 സൗജന്യ എസ്എംഎസുകളും ലഭിക്കും.

248 രൂപയുടെ പ്ലാൻ

അടുത്തിടെ 248 രൂപയുടെ പ്രീപെയ്ഡ് പ്ലാനും എയർടെൽ അവതരിപ്പിച്ചിരുന്നു. 28 ദിവസമാണ് ഈ പ്ലാനിന്റെയും കാലാവധി. പ്രതിദിനം 1.4 ജിബി ഡാറ്റയ്ക്കൊപ്പം പരിധിയില്ലാത്ത ലോക്കൽ, എസ്ടിഡി, റോമിംഗ് കോളുകളും 100 സൗജന്യ എസ്എംഎസുകളും ലഭ്യമാണ്.

ജിയോ ഓഫറുകൾ

ജിയോയുടെ 4ജി മൊബൈല്‍ ഹാന്‍ഡ്‌സെറ്റ് ഉപഭോക്താക്കള്‍ക്ക് കഴിഞ്ഞ ദിവസം അഞ്ച് മികച്ച റീചാര്‍ജ് ഓഫറുകൾ കമ്പനി പുറത്തിറക്കിയിരുന്നു. ജിയോ ഫോണില്‍ പ്രീപെയ്ഡ് സിം ഉപയോഗിക്കുന്നവര്‍ക്കു വേണ്ടിയുള്ളതാണിവ. 49 രൂപ മുതല്‍ 594 രൂപ വരെയുള്ള റീചാര്‍ജ് പാക്കുകളാണ് ജിയോ അവതരിപ്പിച്ചിരിക്കുന്നത്. റീചാര്‍ജിന്റെ കാലാവധി 28 ദിവസം മുതല്‍ 168 ദിവസം വരെയാണ്.