കാർ വാടകയ്ക്ക് നൽകുന്ന കമ്പനിയായ സൂം കാറിന്റെ ആറാമത്തെ വാർഷിക ആഘോഷത്തോട് അനുബന്ധിച്ച് ഉപഭോക്താക്കൾക്ക് കിടിലൻ ഓഫർ. 'ലവ് യൂ ബാക്ക് സെയിൽ' എന്ന പേരിലുള്ള ഈ ഓഫർ വിൽപ്പനയിൽ 100 ശതമാനം ഡിസ്കൗണ്ടാണ് കമ്പനി വാ​ഗ്ദാനം ചെയ്യുന്നത്. ഇന്നലെ ആരംഭിച്ച ഓഫർ ബുക്കിം​ഗ് നാളെ അവസാനിക്കും. 2019 ജൂൺ 25 നും നവംബർ 25 നും ഇടയിൽ ഏതു സ്ഥലത്തേക്കുമുള്ള യാത്രയ്ക്കും ഓഫർ ബാധകമാണ്.

50% ഡിസ്കൗണ്ടും 50% കാഷ്ബാക്കുമായാണ് ഈ ഓഫർ ലഭിക്കുക. കൂടാതെ ഈ ഓഫർ ലഭിക്കുന്നതിന് ഉപഭോക്താക്കൾ 'LUV100' എന്ന പ്രെമോ കോഡും ഉപയോഗിക്കേണ്ടതുണ്ട്. സൂം കാർ ക്രെഡിറ്റിലേയ്ക്കാണ് 50% ക്യാഷ്ബാക്ക് ക്രെഡിറ്റ് ചെയ്യപ്പെടുന്നത്. യാത്ര പൂർത്തിയാക്കിയാൽ 30 ദിവസത്തിനകം പണം ക്രെഡിറ്റാകും. അഥവാ യാത്രാ പ്ലാനുകൾ ക്യാൻസൽ ചെയ്യുകയാണെങ്കിൽ ഉപഭോക്താക്കൾ ക്യാൻസലേഷൻ ചാർജും നൽകേണ്ടതില്ല. എന്നാൽ യാത്ര ആരംഭിക്കുന്ന സമയത്തിന് 24 മണിക്കൂറിനുള്ളിൽ ബുക്കിംഗ് റദ്ദാക്കിയാൽ തുകയുടെ 50% ചാർജ് ബാധകമാണ്. 

ഇതുകൂടാതെ, മൂന്നു ദിവസത്തെ വിൽപ്പനയ്ക്കിടയിൽ ഓരോ ദിവസവും ഓരോ ഭാ​ഗ്യശാലികളെയും തിരഞ്ഞെടുക്കും. ഇവർക്ക് സൗജന്യ ഫ്ലൈറ്റ് വൗച്ചറുകളാണ് കമ്പനി നൽകുന്നത്. മേയ് 31ന് രാത്രി 11.59 വരെയാണ് സൂം കാറിന്റെ ഓഫർ ബുക്കിം​ഗുള്ളത്.

ഓഫർ ലഭ്യമാണെങ്കിലും എല്ലാ ഉപഭോക്താക്കളും പൂർണ്ണമായും റീഫണ്ടുള്ള സുരക്ഷാ നിക്ഷേപം നൽകണം. പേടിഎം വഴി പേയ്മെന്റ് നടത്തുന്നവർക്ക് കാഷ്ബാക്കായി ആയിരം രൂപ വരെ ലഭിക്കുന്നതാണ്. എന്നാൽ ആദ്യമായി സൂം കാർ ബുക്ക് ചെയ്യുന്നവർക്ക് പേടിഎമ്മിന്റെ ഈ ഓഫർ ലഭിക്കില്ല. ബുക്കിം​ഗ് പൂർത്തിയായാൽ 60 ദിവസത്തിനുള്ളിൽ നിങ്ങളുടെ പേടിഎം പേയ്മെന്റ് വാലറ്റിൽ ക്യാഷ്ബാക്ക് ലഭിക്കുന്നതാണ്.

malayalam.goodreturns.in