365 രൂപ ലാഭം

ജിയോ ഉപഭോക്താക്കൾക്ക് 365 രൂപയാണ് ലാഭമെന്ന് കമ്പനി വ്യക്തമാക്കുന്നു. കാരണം 365 രൂപ നൽകിയാൽ മാത്രമേ ഹോട്ട്സ്റ്റാറിൽ ലോകകപ്പ് കാണാൻ അവസരം ലഭിക്കൂ. എന്നാൽ ജിയോ ഉപഭോക്താക്കളെ ഇതിൽ നിന്ന് ഒഴിവാക്കിയിട്ടുണ്ട്. 300 മില്യൺ ജിയോ ഉപയോക്താക്കൾക്ക് ഈ ഓഫറിന്റെ പ്രയോജനം ലഭിക്കുന്നത്.

ജിയോ ക്രിക്കറ്റ് പ്ലേ

ലോകകപ്പ് പ്രേക്ഷകർക്കായി ജിയോ ക്രിക്കറ്റ് പ്ലേ എന്ന ​ഗെയിമും ആരംഭിച്ചിട്ടുണ്ട്. ഇതുവഴി കൂടുതൽ ഉപഭോക്താക്കളെ ആകർഷിക്കുകയും അവർക്ക് ഓരോ മത്സരത്തിന്റെയും സ്കോറുകൾ, മത്സര ഷെഡ്യൂളുകൾ, ഫലങ്ങൾ എന്നിവ സംബന്ധിച്ച വിവരങ്ങൾ കൃത്യമായി നൽകുകയുമാണ് ലക്ഷ്യം.

ജിയോ ക്രിക്കറ്റ് ഡാറ്റ ഓഫർ

ജിയോയുടെ പുതിയ ക്രിക്കറ്റ് ഡാറ്റ ഓഫറുകളും പുറത്തിറക്കിയിട്ടുണ്ട്. 251 രൂപയുടെ റീച്ചാർജാണ് ഇതിനായി ചെയ്യേണ്ടത്. ഇതുവഴി ഉപഭോതാക്കൾക്ക് 102 ജിബിയുടെ 4ജി ഡാറ്റ കൂടാതെ അൺലിമിറ്റഡ് വോയിസ് കോളും ലഭിക്കുന്നതാണ്. 51 ദിവസത്തെ വാലിഡിറ്റിയിലാണ് ജിയോ ഉപഭോതാക്കൾക്ക് ലഭിക്കുക. ജിയോയുടെ ഔദ്യോ​ഗിക വെബ്സൈറ്റ് മുഖേന ഈ റീച്ചാർജ്‌ ചെയ്യാവുന്നതാണ്.

എയർടെൽ ടി.വിയിലും ലോകകപ്പ് മത്സരങ്ങൾ കാണാം

എയർടെൽ ഉപഭോക്താക്കൾക്കും ജിയോടേതിന് സമാനമായ രീതിയിൽ ലോകകപ്പ് മത്സരങ്ങൾ കാണാൻ സാധിക്കും. എയർടെൽ ടിവി ആപ്ലിക്കേഷൻ വഴിയാണ് ലോകകപ്പ് മത്സരങ്ങൾ കാണാൻ അവസരം ലഭിക്കുന്നത്. ആൺഡ്രോയ്ഡ് ഉപഭോക്താക്കൾക്ക് പ്ലേ സ്റ്റോറിൽ നിന്നും ഐഒഎസ് ഉപഭോക്താക്കൾക്ക് ആപ്പ് സ്റ്റോറിൽ നിന്നും എയർടെൽ ടിവി ആപ്ലിക്കേഷൻ ഡൗൺലോഡ് ചെയ്യാവുന്നതാണ്.