ബുക്ക് ചെയ്യേണ്ടത് എങ്ങനെ?

ഈ ഓഫർ എക്കണോമി, ബിസിനസ് ക്ലാസ് ഫ്ലൈറ്റുകൾക്ക് ബാധകമാണ്. റദ്ദാക്കിയാൽ സ്റ്റാൻഡേർഡ് ചാർജുകൾ ബാധകമാകുമെന്ന് എയർലൈൻ വെബ്‌സൈറ്റിൽ അറിയിച്ചു. Goair.in വെബ്‌സൈറ്റ് വഴിയോ ​ഗോ എയർ മൊബൈൽ ആപ്ലിക്കേഷൻ വഴിയോ ഈ വിൽപ്പനയ്‌ക്ക് കീഴിലുള്ള ബുക്കിംഗ് നടത്താവുന്നതാണ്.

ടിക്കറ്റ് നിരക്ക്

2020 ഫെബ്രുവരി 26 ന് യാത്ര ചെയ്യുന്നതിനായി ‍ഡൽഹിയിൽ‌ നിന്ന് മുംബൈയിലേയ്ക്കുള്ള ഫ്ലൈറ്റ് ടിക്കറ്റുകൾക്ക് (ഇക്കോണമി ക്ലാസ്) 3,022 രൂപയാണ് വില. 961 രൂപ നികുതി അടങ്ങിയതാണ് ഈ നിരക്ക്. 2020 ഫെബ്രുവരി 29 ന് ഡൽഹി മുതൽ ബെംഗളൂരു വരെയുള്ള വിമാന ടിക്കറ്റുകൾക്ക് 2,760 രൂപയാണ് വില.

മറ്റ് വിമാനക്കമ്പനികൾ

വിമാനക്കമ്പനികൾ തമ്മിലുള്ള കടുത്ത മത്സരത്തിനിടയിൽ, ആഭ്യന്തര വിമാനക്കമ്പനികൾ അവരുടെ ടിക്കറ്റുകൾ വിൽക്കുന്നതിനും പ്രവർത്തന മൂലധന ചെലവുകൾക്കായുള്ള പണം കണ്ടെത്തുന്നതിനും മുൻകൂർ ടിക്കറ്റ് ബുക്കിംഗ് ഓഫറുകൾ പ്രഖ്യാപിക്കുന്നത് പതിവാണ്. ജെറ്റ് എയർവേസ് അടച്ചുപൂട്ടിയതിന് ശേഷം വിമാന ടിക്കറ്റ് നിരക്ക് കുത്തനെ ഉയർന്നെങ്കിലും ഇപ്പോൾ സ്ഥിതി സാധാരണ നിലയിലേയ്ക്ക് എത്തി തുടങ്ങി. ഇൻഡിഗോ, സ്‌പൈസ് ജെറ്റ്, ഗോ എയർ എന്നീ കമ്പനികളും ടിക്കറ്റ് നിരക്ക് ഒരു പരിധി വരെ കുറച്ചിട്ടുണ്ട്.

വ്യോമയാന വിപണി

ലോകത്തെ അതിവേഗം വളരുന്ന വ്യോമയാന വിപണികളിലൊന്നാണ് ഇന്ത്യ. നിലവിൽ, ഇന്ത്യയിലെ വ്യോമയാന വിപണിയിലെ വളർച്ച 7% ആണ്. ഇന്ത്യയുടെ വളർച്ചാ സാധ്യത വളരെ വലുതാണെന്ന് വ്യോമയാന വിദഗ്ധരുടെ അഭിപ്രായം.