തുടർച്ചയായ നാല് ദിവസം

എന്നാൽ പണിമുടക്കിന് ശേഷമുള്ള രണ്ട് ദിവസങ്ങളിലും ബാങ്കുകൾക്ക് അവധിയായതിനാൽ ഉപഭോക്താക്കളെ വലയ്ക്കാൻ സാധ്യതയുണ്ട്. എല്ലാ മാസവും രണ്ടാമത്തെയും നാലാമത്തെയും ശനിയാഴ്ചകളിൽ ബാങ്കുകൾക്ക് അവധിയാണ്. കൂടാതെ ഞായറാഴ്ചയും പ്രതിവാര അവധി ദിനമാണ്. അതുകൊണ്ട് തന്നെ സെപ്റ്റംബർ 26 മുതൽ 29 വരെ ബാങ്കുകൾക്ക് അവധിയായിരിക്കും. 25 ആയിരിക്കും ഈ ആഴ്‌ചയിലെ അവസാന പ്രവൃത്തി ദിവസം.

എടിഎമ്മുകൾ കാലിയാകും

ബാങ്ക് പണിമുടക്കിന്റെ ഫലമായി, ഓരോ ദിവസവും 48,000 കോടി രൂപയുടെ ഇടപാടുകളെ ബാധിക്കും. ബാങ്ക് പണിമുടക്ക് കാരണം വാരാന്ത്യത്തിൽ നിരവധി എടിഎമ്മുകൾ കാലിയാകാനും സാധ്യതയുണ്ട്.

ബാങ്ക് യൂണിയനുകൾ

താഴെ പറയുന്ന ബാങ്ക് യൂണിയനുകളാണ് സമരത്തിന് ആഹ്വാനം ചെയ്തിരിക്കുന്നത്. പൊതുമേഖലാ ബാങ്കുകളുടെ ഏകീകരണം രാജ്യത്തിന്റെയോ ബാങ്കുകളുടെയോ ഉപഭോക്താക്കളുടെയോ താൽപ്പര്യത്തിനല്ലെന്നാണ് ബാങ്ക് യൂണിയൻ നേതാക്കളുടെ ആരോപണം.

• ഓൾ ഇന്ത്യ ബാങ്ക് ഓഫീസേഴ്‌സ് കോൺഫെഡറേഷൻ (എ.ഐ.ബി.ഒ.സി)
• ഓൾ ഇന്ത്യ ബാങ്ക് ഓഫീസേഴ്‌സ് അസോസിയേഷൻ (എ.ഐ.ബി.ഒ.എ)
• ഇന്ത്യൻ നാഷണൽ ബാങ്ക് ഓഫീസേഴ്‌സ് കോൺഗ്രസ് (ഐ.എൻ.ബി.ഒ.സി)
• നാഷണൽ ഓർഗനൈസേഷൻ ഓഫ് ബാങ്ക് ഓഫീസേഴ്സ് (നോബോ)

മറ്റ് ആവശ്യങ്ങൾ

ബാങ്ക് ഓഫീസർമാരുടെ വേതന പരിഷ്കരണം, പെൻഷൻ നവീകരണം, അഞ്ച് ദിവസത്തെ പ്രവൃത്തി ദിനം, പണമിടപാട് സമയം കുറയ്ക്കൽ, ഉദ്യോഗസ്ഥരുടെ ജോലി സമയം നിയന്ത്രിക്കൽ തുടങ്ങിയ വിഷയങ്ങളും സമരക്കാരുടെ ആവശയങ്ങളിൽപെടുന്നു.