ലോക്കറുകൾക്ക് ചാർജുകൾ ബാധകമോ?

​ഗ്രാമ, ന​ഗര , മെട്രോ പ്രദേശങ്ങളിൽ ലോക്കറുകളുടെ ചാർജ് നിരക്കുകൾ വ്യത്യസ്തമായിരിക്കും ,ലോക്കറുകളുടെ വലുപ്പം, ബാങ്ക് ലോക്കർ ഉൾപ്പെടുന്ന പ്രദേശം എന്നിവയൊക്കെ ലോക്കറുകളുടെ ചാർജുകളെ പ്രകടമായി സ്വാധീനിക്കുന്നു. ഉദാഹരണമായി പറഞ്ഞാൽ എസ്ബിഐയുടെ ലോക്കറുകൾ മെട്രോ, ന​ഗര പ്രദേശങ്ങളിൽ 1500 +ജിഎസ്ടി എന്നായിരിക്കുമ്പോൾ ​ഗ്രാമ പ്രദേശങ്ങളിൽ ഇത് യഥാക്രമം 1000+ ജിഎസ്ടി എന്നാകും. കൂടാതെ വലിയ ലോക്കറുകൾക്ക് വർഷം 9000 രൂപയും ജി എസ്ടിയും ബാധകമാകും. എന്നാൽ ചില ബാങ്കുകൾ ആർബിഐയുടെ നിയമങ്ങൾക്ക് ചട്ടവിരുദ്ധമായി ഫിക്സഡ് ഡിപ്പോസിറ്റ് തുടങ്ങാനും ആവശ്യപ്പെടാറുണ്ട്. ലോക്കറിന്റെ വാർഷിക ഫീസ് അഡ്വാൻസായി നൽകുകയും വേണം.

ലോക്കർ കീ നഷ്ടമായാൽ?

എല്ലാ ബാങ്ക് ലോക്കറുകൾക്കും ലോക്കർ കീ സൗകര്യം ബാങ്കുകൾ ഉറപ്പ് വരുത്തും, നിലവിൽ ഒരു ബാങ്ക് ലോക്കറിന് രണ്ട് കീകൾ ഉണ്ടായിരിക്കും, എന്നാൽ ഉപഭോക്താവിന് 1 കീ നൽകുകയും മാസ്റ്റർ കീ ബാങ്കുകൾ സൂക്ഷിക്കുകയും ചെയ്യും. കീ നഷ്ട്ടപ്പെട്ടാൽ ഏ​കദേശം 3000 രൂപ വരെ ബാങ്കുകൾ ഈടാക്കി പകരം കീ ബാങ്കുകൾ മാറ്റി നൽകുകയും ചെയ്യും. 2 കീയും ഒരുമിച്ച് പ്രവർത്തിപ്പിച്ചാലേ ലോക്കർ തുറക്കാനാവുകയുള്ളൂ.

നോമിനി ആരൊക്കെയാവാം?

ലോക്കറുകൾ തുറക്കാനായി നോമിനികളെ നിർദേശിക്കേണ്ടതായുണ്ട്, ഉപഭോക്താവിന് മരണം പോലുള്ളവ നേരിട്ടാൽ നോമിനി മൈനറാണെങ്കിൽ നോമിനിയുടെ ​ഗാർഡിയന് ലോക്കറുപകളുടെ ചുമതല ഏറ്റെടുക്കാവുന്നതാണ്.

നിയമാനുസൃത അവകാശി ?

നോമിനിയുടെ അസാന്നിധ്യത്തിൽ ലോക്കർ സമ്മതപത്രമുണ്ടെങ്കിൽ നിയമപരമായ അവകാശികൾക്ക് ഉപയോ​ഗിക്കാവുന്നതാണ്. അതല്ലെങ്കിൽ നിയമപരമായ അവകാശിയെന്ന് തെളിയിക്കുന്നതിനായി ബാങ്കിനെ സമീപിക്കാവുമന്നതാണ്.

ഒന്നിൽ കൂടുതൽ അവകാശികളുണ്ടെങ്കിൽ ?

ലോക്കർ എടുത്തയാൾ മരണപ്പെട്ടാൽ നോമിനികൾക്കോ അവകാശികൾക്കോ കൃത്യമായ രേഖകൾ ഹാജരാക്കിയാൽ ലോക്കർ തുടർന്നും ഉപയോ​ഗിക്കാവുന്നതാണ്. രേഖാമൂലം എഴുതി നൽകി 7 ദിവസത്തിന്റെ സാവകാശത്തിൽ‌ ലോക്കർ കരാർ പിൻവലിക്കാവുന്നതാണ്. അതല്ലാത്ത പ്രകാരം കരാർ പുതുക്കി എടുക്കപ്പെടും. കൂടാതെ ഏതെങ്കിലും ഒരു ബാങ്കിന്റെ ഒരു ബ്രാഞ്ചിൽ നിന്നും മറ്റൊരു ബ്രാഞ്ചുലേക്ക് ലോക്കർ മാറ്റം സാധ്യമല്ല. ഇത്തരം കാര്യങ്ങളൊക്കെ കൃത്യമായി മനസിലാക്കിയ ശേഷം ലോക്കർ സൗകര്യം ഉറപ്പുവരുത്തുക.