പോസ്റ്റ്പെയ്ഡ് ഉപഭോക്താക്കൾക്കായി പുതിയ താരിഫ് പദ്ധതികൾ പ്രഖ്യാപിച്ചതോടെ റിലയൻസ് ജിയോ ഇൻഫോകോം ലിമിറ്റഡിന്റെ ഓഹരികൾ കുതിച്ചുയർന്നു. എന്നാൽ ഇതിനെ തുടർന്ന് ഭാരതി എയർടെൽ ലിമിറ്റഡിനും വോഡഫോൺ ഐഡിയ ലിമിറ്റഡിനും ബുധനാഴ്ച 5 മുതൽ 6 ശതമാനം വരെ ഇടിഞ്ഞു. ജിയോയുടെ പേരന്റ് കമ്പനിയായ റിലയൻസ് ഇൻഡസ്ട്രീസ് ലിമിറ്റഡിന്റെ (ആർഐഎൽ) ഓഹരികൾ 1.6 ശതമാനം ഉയർന്നു. റിലയൻസ് റീട്ടെയിൽ വെൻചേഴ്സ് ലിമിറ്റഡിൽ പുതിയ നിക്ഷേപം ആർഐഎൽ പ്രത്യേകം പ്രഖ്യാപിക്കുകയും ചെയ്തിരുന്നു.
ജിയോയുടെ പുതിയ പ്ലാൻ
ജിയോയുടെ പുതിയ 399 രൂപയുടെ അടിസ്ഥാന പ്ലാൻ വോഡഫോൺ ഐഡിയ പ്ലാനിന് സമാനമാണ്. എന്നാൽ, ഇത് എയർടെലിന്റെ നിലവിലുള്ള എൻട്രി ലെവൽ പോസ്റ്റ്പെയ്ഡ് പ്ലാനിനേക്കാൾ 20% വില കുറഞ്ഞതാണ്. എന്നാൽ വോഡഫോൺ ഐഡിയയേക്കാൾ ഉയർന്ന ഡാറ്റയും എൻട്രി ലെവൽ പാക്കിലെ എയർടെലിനേക്കാൾ കൂടുതൽ ഉള്ളടക്ക സബ്സ്ക്രിപ്ഷനുകളും വാഗ്ദാനം ചെയ്യുന്നതിനാൽ ജിയോ മുൻപന്തിയിലെത്തി. ഇത് എയർടെല്ലിനെയും വോഡഫോൺ ഐഡിയയെയും എത്രത്തോളം സ്വാധീനിക്കുമെന്ന് കണ്ടെത്തേണ്ടതുണ്ട്.
എയർടെൽ എക്സ്ട്രീം ബണ്ടിൽ പ്ലാൻ; ജിയോയോട് പൊരുതാൻ എയർടെലിന്റെ പുതിയ അൺലിമിറ്റഡ് പ്ലാൻ ഇന്ന് മുതൽ
പോസ്റ്റ്പെയ്ഡ് ബിസിനസിൽ പിന്നിൽ
ജിയോയ്ക്ക് ഇതിനകം തന്നെ വളരെ കുറഞ്ഞ പ്രതിമാസ പ്ലാനായ 199 രൂപയുടെ പോസ്റ്റ്പെയ്ഡ് പ്ലാൻ ഉണ്ടെന്ന കാര്യം ഓർക്കേണ്ടതാണ്. ഇന്ത്യൻ വിപണിയിൽ ഒരു വലിയ ടെലികോം സ്ഥാപനമായി ഉയർന്നുവന്നിട്ടും ജിയോ പോസ്റ്റ്പെയ്ഡ് ബിസിനസിൽ പിന്നിലാണ്. വോഡഫോൺ ഐഡിയയും എയർടെല്ലും ചേർന്നാണ് ഇന്ത്യയിൽ പോസ്റ്റ്പെയ്ഡ് വരിക്കാരുടെ സിംഹഭാഗവും നേടിയിരിക്കുന്നത്.
ചൈനയിൽ നിന്ന് ഇറക്കുമതി ചെയ്യുന്ന 300 ഉൽപ്പന്നങ്ങൾക്ക് അധിക താരിഫ്; പിടിമുറുക്കാനൊരുങ്ങി ഇന്ത്യ
ആശങ്കകൾ
മാർക്കറ്റ് ലീഡറായ ജിയോയുടെ പോസ്റ്റ് പെയ്ഡ് പ്ലാനുകളിലെ ഓഫറുകൾ എയർടെല്ലിന്റെയും വോഡഫോൺ ഐഡിയയുടെയും പോസ്റ്റ്പെയ്ഡ് മൊബൈൽ ബിസിനസ്സിലും ആശങ്കയുണ്ടാക്കുമെന്ന് പലരും ഭയപ്പെടുന്നു. ഇതിനകം തന്നെ സാമ്പത്തിക സ്ഥിതി ദുർബലമായ വോഡഫോൺ ഐഡിയയെ ഇത് ബാധിക്കാനിടയുണ്ട്. നിലവിൽ വോഡഫോൺ ഐഡിയയ്ക്ക് 23 ദശലക്ഷം പോസ്റ്റ്പെയ്ഡ് വരിക്കാരുണ്ട്. എന്നാൽ ജിയോയുടെ പുതുക്കിയ പോസ്റ്റ്പെയ്ഡ് ഓഫർ വൊഡാഫോൺ ഐഡിയയുടെ വരിക്കാരെ കുറയ്ക്കുമോയെന്നാണ് നിലവിലെ ആശങ്ക.
അറിഞ്ഞോ..കുറഞ്ഞ വിലയ്ക്ക് ജിയോ ഫോൺ, ഡിസംബറോടെ 100 മില്യൺ ഫോണുകൾ പുറത്തിറക്കും