ആമസോൺ ഗ്രേറ്റ് ഇന്ത്യൻ ഫെസ്റ്റിവൽ vs ഫ്ലിപ്കാർട്ട് ബിഗ് ബില്യൺ ഡെയ്‌സ്; കൂടുതൽ ലാഭം ഏത്?

ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിൽ ദിനങ്ങളുടെ തീയതി പ്രഖ്യാപിച്ചു. ഫ്ലിപ്പ്കാർട്ട് ബിഗ് ബില്യൺ ഡെയ്സ് തീയതി പ്രഖ്യാപിച്ചതിന് തൊട്ടുപിന്നാലെയാണ് ആമസോണിന്റെ പ്രഖ്യാപനം. ഫ്ലിപ്കാർട്ട്, ആമസോൺ വിൽപ്പന ഒരേ സമയമാണെങ്കിലും നിരവധി വ്യത്യസ്ത ഓഫറുകളാണ് ഇരു സൈറ്റുകളും ഉപഭോക്താക്കൾക്കായി വാഗ്ദാനം ചെയ്തിരിക്കുന്നത്. ബിഗ് ബില്യൺ ദിനങ്ങളിലും ഗ്രേറ്റ് ഇന്ത്യൻ ഫെസ്റ്റിവലിലും നിങ്ങൾ ശ്രദ്ധിക്കേണ്ട ജനപ്രിയ ലോഞ്ചുകളും ആമസോണും ഫ്ലിപ്കാർട്ടും വാഗ്ദാനം ചെയ്യുന്ന ചില ഡീലുകളും താരതമ്യം ചെയ്യാം.

തീയതികൾ

ഫ്ലിപ്കാർട്ട് ബിഗ് ബില്യൺ വിൽപ്പന ഒക്ടോബർ 16 ന് ആരംഭിക്കും. ആമസോൺ ഗ്രേറ്റ് ഇന്ത്യൻ സെയിൽ ഒക്ടോബർ 17 നാണ് ആരംഭിക്കുക. എന്നിരുന്നാലും പ്രൈം അംഗങ്ങൾക്ക് ഒക്ടോബർ 16 ന് തന്നെ ഓഫറുകൾ ലഭിച്ചു തുടങ്ങും. ആമസോൺ സെയിലിന്റെ അവസാന തീയതി പ്രഖ്യാപിച്ചിട്ടില്ല. ഇതിനർത്ഥം ആമസോൺ അഞ്ചോ ആറോ ദിവസത്തിനുള്ളിൽ ഷോപ്പിംഗ് ഉത്സവം അവസാനിപ്പിക്കില്ല എന്നാണ്. ഇത് ഉത്സവങ്ങളുടെ സീസണാണായതിനാൽ ഒരു മാസം വരെ ഓഫറുകൾ നീണ്ടുനിന്നേക്കാം.

ഗൂഗിൾ പിക്സൽ

ഗൂഗിൾ പിക്സൽ ഉൽപ്പന്നങ്ങൾ ബിഗ് ബില്യൺ ദിവസങ്ങളിൽ ഫ്ലിപ്കാർട്ടിൽ മാത്രമായി ലഭ്യമാകുക. ഏറെ പ്രതീക്ഷയോടെ കാത്തിരിക്കുന്ന സ്മാർട്ട്‌ഫോണായ ഗൂഗിൾ പിക്‌സൽ 4 എ ബിഗ് ബില്യൺ ദിവസങ്ങളിൽ ഫ്ലിപ്കാർട്ടിൽ വിൽപ്പനയ്‌ക്കെത്തുമെന്ന് ഗൂഗിൾ അറിയിച്ചിരുന്നു. ഒരു ഫ്ലിപ്പ്കാർട്ട് എക്സ്ക്ലൂസീവ് ലോഞ്ചായിരിക്കും പിക്സൽ 4 എ. പിക്‌സൽ 4 എയുടെ വില 30,000 മുതൽ 35,000 രൂപ വരെയാണ്.

വൺപ്ലസ്

വൺപ്ലസ് തങ്ങളുടെ അടുത്ത പ്രീമിയം സ്മാർട്ട്‌ഫോണായ വൺപ്ലസ് 8 ടി ഒക്ടോബർ 14 ന് ഇന്ത്യയിൽ പുറത്തിറക്കാൻ ഒരുങ്ങുകയാണ്. ഈ സ്മാർട്ട്‌ഫോൺ ആമസോണിൽ മാത്രമായി ലഭ്യമാകുക. കൂടാതെ ആമസോൺ ഗ്രേറ്റ് ഇന്ത്യൻ ഫെസ്റ്റിവൽ വിൽപ്പനയ്ക്കിടെ വിൽപ്പനയ്‌ക്കെത്തുകയും ചെയ്യും.

സ്മാർട്ട് ടിവികൾ

ബിഗ് ബില്യൺ വിൽപ്പനയ്ക്കിടെ വിപുലമായ സ്മാർട്ട് ടിവികൾ ലഭ്യമാക്കുന്നതിന് ഫ്ലിപ്കാർട്ട് നോക്കിയയുമായി കരാറിലേർപ്പെട്ടിട്ടുണ്ട്. വ്യത്യസ്ത വലുപ്പത്തിലും വേരിയന്റുകളിലുമായി ആറ് സ്മാർട്ട് ടിവികൾ കമ്പനി പുറത്തിറക്കിയിട്ടുണ്ട്. 32 ഇഞ്ച് ടിവിയ്ക്ക് 12,999 രൂപയും എച്ച്ഡി റെഡി 43 ഇഞ്ച് ടിവിയ്ക്ക് 22,999 രൂപയുമാണ് വില. ഫുൾ എച്ച്ഡി വേരിയന്റിന് 28,999 രൂപയാണ് വില. 50 ഇഞ്ച് ടിവിയുടെ വില 33,999 രൂപയും 55 ഇഞ്ചിന് 39,999 ഉം 65 ഇഞ്ച് ടിവിയുടെ വില 59,999 രൂപയുമാണ്.

ആമസോണിൽ മാത്രം

ആമസോണിന്റെ പുതുതായി സമാരംഭിച്ച എക്കോ ഡോട്ട്, എക്കോ ഡോട്ട് വിത്ത് ക്ലോക്ക്, ആമസോൺ എക്കോ, ഫയർ ടിവി സ്റ്റിക്ക്, അലക്സാ വോയ്‌സ് റിമോട്ട് ലൈറ്റിനൊപ്പം ഫയർ ടിവി സ്റ്റിക്ക് ലൈറ്റ് എന്നിവ ആമസോണിൽ മാത്രം ലഭിക്കുന്നതും ഗ്രേറ്റ് ഇന്ത്യൻ ഫെസ്റ്റിവലിൽ വിൽപ്പനയ്‌ക്കെത്തുന്നതുമാണ്.

കാർഡ് ഓഫറുകൾ

എച്ച്ഡിഎഫ്സി ബാങ്ക് ഡെബിറ്റ്, ക്രെഡിറ്റ് കാർഡുകളിൽ 10 ശതമാനം തൽക്ഷണ ബാങ്ക് കിഴിവ് ഉൾപ്പെടെയുള്ള ഓപ്ഷനുകൾ ആമസോൺ വാഗ്ദാനം ചെയ്യുന്നുണ്ട്. കൂടാതെ ഇഎംഐ ഇടപാടുകൾ, ഡെബിറ്റ്, ക്രെഡിറ്റ് കാർഡുകൾ ഉപയോഗിച്ചുള്ള നോ കോസ്റ്റ് ഇഎംഐ, ബജാജ് ഫിൻ‌സെർവ് എക്‌സ്‌ചേഞ്ച് ഓഫറുകൾ, മറ്റ് പ്രമുഖ ക്രെഡിറ്റ് / ഡെബിറ്റ് കാർഡുകളിൽ നിന്നുള്ള ആവേശകരമായ ഓഫറുകൾ എന്നിവ ആമസോൺ വാഗ്ദാനം ചെയ്യുന്നു. അതേസമയം ഫ്ലിപ്പ്കാർട്ട് എസ്‌ബി‌ഐ ഡെബിറ്റ്, ക്രെഡിറ്റ് കാർഡ് ഉടമകൾക്കാണ് ഓഫറുകൾ വാഗ്ദാനം ചെയ്യുന്നത്. എസ്‌ബി‌ഐ കാർഡ് ഉടമകൾക്ക് ഫ്ലിപ്പ്കാർട്ടിൽ 10 ശതമാനം അധിക കിഴിവ് ലഭിക്കും.