മഹാമാരിയിലും കുലുങ്ങാതെ ടെസ്‍ല, കാറുകളുടെ വിൽപ്പനയിൽ വൻ വ‍‍ർദ്ധനവ്

അമേരിക്കൻ ഇലക്ട്രിക് കാർ നിർമാതാക്കളായ ടെസ്‌ല 2020 ൽ അരലക്ഷം വാഹനങ്ങൾ ഉത്പാദിപ്പിച്ചതായി പ്രഖ്യാപിച്ചു. ടെസ്‌ലയുടെ വാർഷിക വിൽപ്പന 36 ശതമാനം ഉയർന്നെങ്കിലും 5 ലക്ഷം വാഹനങ്ങൾ എത്തിക്കാനുള്ള വാർഷിക ലക്ഷ്യത്തിൽ എത്താൻ കമ്പനിയ്ക്ക് കഴിഞ്ഞിട്ടില്ല. 2020 ൽ കമ്പനി 499,500 യൂണിറ്റുകൾ വിതരണം ചെയ്തു. ഇത് യഥാർത്ഥ ലക്ഷ്യത്തേക്കാൾ 500 യൂണിറ്റ് കുറവാണ്.

കാലിഫോർണിയ ആസ്ഥാനമായുള്ള ഈ ഇലക്ട്രോണിക് കാ‌ര്‌ നിർമാതാവ് 2020 നാലാം പാദത്തിൽ 180,570 എസ്‌യുവികളും സെഡാനുകളും വിതരണം ചെയ്തു. ഇതിൽ മോഡൽ 3 / വൈയുടെ 161,650 യൂണിറ്റും മോഡൽ എസ് / എക്‌സിന്റെ 18,920 യൂണിറ്റുകളും ഉൾപ്പെടുന്നു. കൊറോണ വൈറസ് മഹാമാരിയ്ക്ക് മുമ്പ് 2020 ൽ 5 ലക്ഷം ഡെലിവറികൾ ലക്ഷ്യമിട്ടത് സിഇഒ എലോൺ മസ്‌ക് ആയിരുന്നു. നിരവധി പ്രതിസന്ധികൾക്കിടയിലും, മഹാമാരിയെ തുട‍ർന്ന് ഏക യുഎസ് അസംബ്ലി പ്ലാന്റ് ആഴ്ചകളോളം അടച്ചുപൂട്ടാൻ നിർബന്ധിതമായപ്പോഴും കമ്പനി ലക്ഷ്യത്തിൽ ഉറച്ചു നിന്നു.

മഹാമാരിയിലും കുലുങ്ങാടെ ടെസ്‍ല, കാറുകളുടെ വിൽപ്പനയിൽ വൻ വ‍‍ർദ്ധനവ്

2020 സെപ്റ്റംബർ വരെ ലോകമെമ്പാടുമായി 318,350 ലക്ഷത്തിലധികം വാഹനങ്ങൾ ടെസ്‌ല വിതരണം ചെയ്തു. മൂന്നാം പാദത്തിൽ 139,300 ലക്ഷം റെക്കോർഡ് ഡെലിവറികൾ ഉൾപ്പെടെയാണിത്. മൂന്നാം പാദത്തിൽ കമ്പനി വെറും 145,036 ലക്ഷം യൂണിറ്റുകൾ ഉത്പാദിപ്പിക്കുകയും 139,300 ലക്ഷം വാഹനങ്ങൾ വിതരണം ചെയ്യുകയും ചെയ്തു. റെക്കോർഡിലെത്താൽ ഒക്ടോബർ മുതൽ ഡിസംബർ വരെയുള്ള പാദത്തിൽ കമ്പനിയ്ക്ക് 181,650 ലക്ഷം വാഹനങ്ങൾ വിറ്റഴിക്കേണ്ടി വന്നു.

കഴിഞ്ഞ മാസം സിഇഒ എലോൺ മസ്‌ക് ജീവനക്കാരോട് ഇമെയിൽ വഴി ബാക്കി പാദത്തിന്റെ ഉത്പാദനം പരമാവധി വർദ്ധിപ്പിക്കാൻ ആവശ്യപ്പെട്ടിരുന്നു.