സാംസങ് ഫോണുകൾക്ക് ഇന്ത്യയിൽ വൻ വിലക്കുറവ്; പുതിയ വിലകൾ അറിയാം

ഗാലക്‌സി എം സീരീസിലെ ഏറ്റവും വിലകുറഞ്ഞ രണ്ട് സ്മാർട്ട്‌ഫോണുകളായ ഗാലക്‌സി എം 01, ഗാലക്‌സി എം 11 എന്നിവയുടെ വില സാംസങ് കുറച്ചു. ഇപ്പോൾ ഗാലക്‌സി എം 01ന്റെ ആരംഭ വില 8000 രൂപയിൽ താഴെയാണ്. 3 ജിബി റാമും 32 ജിബി ഇന്റേണൽ സ്റ്റോറേജുമുള്ള സാംസങ് ഗാലക്‌സി എം 01 വേരിയന്റിന് ഇപ്പോൾ 8,399 രൂപയിൽ നിന്ന് 7,999 രൂപയായി വില കുറഞ്ഞു.

സാംസങ് ഫോണുകൾക്ക് ഇന്ത്യയിൽ വൻ വിലക്കുറവ്; പുതിയ വിലകൾ അറിയാം

3 ജിബി റാമും 32 ജിബി ഇന്റേണൽ സ്റ്റോറേജുമുള്ള വേരിയന്റിനായുള്ള സാംസങ് ഗാലക്‌സി എം 11 ന്റെ വില നേരത്തത്തെ 11,499 രൂപയിൽ നിന്ന് 10,999 രൂപയായി കുറഞ്ഞു. 4 ജിബി റാമും 64 ജിബി ഇന്റേണൽ സ്റ്റോറേജുമുള്ള വേരിയന്റിന്, 12,999 ൽ നിന്ന് 11,999 രൂപയാണ് വില. രണ്ട് സ്മാർട്ട്‌ഫോണുകളുടെയും പുതുക്കിയ വിലകൾ സാംസങ്ങിന്റെ ഔദ്യോഗിക ഇ-സ്റ്റോറിലും ആമസോൺ ഇന്ത്യയിലും കാണാം.

സാംസങ് ഗാലക്‌സി എം 01, ഗാലക്‌സി എം 11 എന്നിവ ജൂൺ മാസത്തിൽ സാംസങ് പുറത്തിറക്കിയിരുന്നു. ഇത് രണ്ടാം തവണയാണ് ഈ സ്മാർട്ട്ഫോണിന്റെ വിലക്കുറയ്ക്കുന്നത്. ജൂൺ മാസത്തിലാണ് സ്മാർട്ട്‌ഫോണുകൾ വിപണിയിലെത്തിയത്. 5.7 ഇഞ്ച് എച്ച്ഡി + ഇൻഫിനിറ്റി-വി ഡിസ്‌പ്ലേയാണ് സാംസങ് ഗാലക്‌സി എം 01നുള്ളത്.