ആദായ നികുതി റിട്ടേൺ സമർപ്പിക്കാത്തവർക്ക് വകുപ്പിന്റെ ഇ-മെയിൽ സന്ദേശം ഇങ്ങനെ

കഴിഞ്ഞ സാമ്പത്തിക വർഷത്തിൽ ആദായനികുതി റിട്ടേൺ (ഐടിആർ) ഫയൽ ചെയ്യാത്ത എല്ലാവരേയും ഇക്കാര്യം ബോധ്യപ്പെടുത്തുന്നതിനുള്ള നടപടികളുമായി ആദായനികുതി വകുപ്പ് രംഗത്ത്. 2017-18 സാമ്പത്തിക വർഷത്തെയും 2019-20 വർഷത്തിലെയും ഐടിആർ ഫയൽ ചെയ്യാത്തവർക്കാണ് ഓർമ്മപ്പെടുത്തൽ സന്ദേശവുമായി വകുപ്പ് എത്തിയിരിക്കുന്നത്.

ഇത്തവണ റിട്ടേൺ സമർപ്പിക്കാത്തവർക്ക് 2020 മാർച്ച് 31 വരെ ആദായനികുതി റിട്ടേൺ സമർപ്പിക്കാമെന്നും എന്നാൽ വൈകിയതിനുള്ള ഫീസ് നിയമപ്രകാരം ബാധകമാകുമെന്നും ഇ-മെയിൽ സന്ദേശത്തിൽ വ്യക്തമാക്കിയിട്ടുണ്ട്. നിങ്ങൾ റിട്ടേൺ ഫയൽ ചെയ്യുന്നതിനായി കാത്തിരിക്കുന്നു എന്ന് പറഞ്ഞാണ് സന്ദേശം അവസാനിക്കുന്നത്. പക്ഷേ ഐടിആർ ഫയൽ ചെയ്യാത്തതിനുള്ള ശിക്ഷാനടപടികളെക്കുറിച്ച് പറഞ്ഞ് നികുതിദായകരെ ഭീഷണിപ്പെടുത്തുന്ന തരത്തിലുള്ള സന്ദേശമല്ല.

ആദായ നികുതി റിട്ടേൺ സമർപ്പിക്കാത്തവർക്ക് വകുപ്പിന്റെ ഇ-മെയിൽ സന്ദേശം ഇങ്ങനെ

മുൻ സാമ്പത്തിക വർഷത്തെ ഐടിആർ ഫയൽ ചെയ്യുന്നതിനുള്ള അവസാന തീയതി ജൂലൈ 31 ആയിരുന്നു. ഫോം 16 ഇഷ്യു ചെയ്യുന്നതിലെ കാലതാമസം കാരണം ആദായനികുതി വകുപ്പ് ഈ സമയപരിധി ഈ വർഷം ഓഗസ്റ്റ് 31 ലേക്ക് നീട്ടിയിരുന്നു. കാലതാമസം വരുത്തിയ ആദായനികുതി റിട്ടേൺ സമർപ്പിക്കാൻ 2020 മാർച്ച് 31 വരെ കഴിയും.

നികുതി വരുമാനം ഉള്ളവരും നികുതി അടയേക്കേണ്ടാത്തവരും ഐടിആർ ഫയൽ ചെയ്യേണ്ടതുണ്ട്. നികുതി ബാധകമല്ലാത്തർക്ക് ഐടിആർ നിർബന്ധമല്ലെങ്കിലും, ഐടിആർ ഫയൽ ചെയ്യുന്നത് നിങ്ങൾക്ക് ഗുണകരമാണ്. ധനകാര്യ സ്ഥാപനങ്ങൾക്ക് പരിശോധിക്കുന്ന നിങ്ങളുടെ ക്രെഡിറ്റ് യോഗ്യതയെ സാധൂകരിക്കുകയും ബാങ്ക് വായ്പകൾ മുതലായ നിരവധി സാമ്പത്തിക ആനുകൂല്യങ്ങൾ എളുപ്പത്തിൽ ലഭിക്കാനും ഇത് നിങ്ങളെ സഹായിക്കും.