കൊറോണ വൈറസിനെ ചെറുക്കാനും രാജ്യത്തെ കൂടുതൽ സ്വാശ്രയമാക്കാനുമുള്ള സർക്കാരിന്റെ നടപടികളുടെ അഞ്ചാമത്തെയും അവസാനത്തെയും പ്രഖ്യാപനം ധനമന്ത്രി നിർമ്മല സീതാരാമൻ വ്യക്തമാക്കി. കൊവിഡ് -19 ന്റെ തകർച്ചയെ നേരിടാൻ 20 ലക്ഷം കോടി രൂപയുടെ സാമ്പത്തിക ഉത്തേജക പാക്കേജിൽ മാർച്ച് മുതൽ റിസർവ് ബാങ്ക് പ്രഖ്യാപിച്ച 8.01 ലക്ഷം കോടി രൂപയുടെ പണലഭ്യത നടപടികളും ഉൾപ്പെടുന്നു. ഓരോ ദിവസവും ധനമന്ത്രി പ്രഖ്യാപിച്ച വിവിധ വിഹിതങ്ങൾ പരിശോധിക്കാം.
കൊറോണ പ്രതിസന്ധി; സേവന മേഖലയിൽ കനത്ത നഷ്ടം, 14 വർഷത്തിനിടയിലെ ഏറ്റവും വലിയ ഇടിവ്
മുൻ വിഹിതം
മുൻ നടപടികൾ: 1,92,000 കോടി രൂപ
- മാർച്ച് 22 മുതൽ പ്രഖ്യാപിച്ച നികുതി ഇളവുകൾ കാരണം വരുമാനത്തിൽ വന്ന കുറവ്: 7,800 കോടി രൂപ
- പിഎം ഗരിബ് കല്യാൺ പാക്കേജ്: 1,70,000 കോടി രൂപ
- ആരോഗ്യമേഖലയ്ക്കുള്ള പ്രധാനമന്ത്രിയുടെ പ്രഖ്യാപനം:15,000 കോടി രൂപ
പ്രധാനമന്ത്രിയുടെ 20 ലക്ഷം കോടി രൂപയുടെ മെഗാ പാക്കേജ്: വിശദാംശങ്ങൾ ധനമന്ത്രി ഇന്ന് പ്രഖ്യാപിക്കും
ഒന്നാം ഘട്ടം
ചെറുകിട വ്യവസായങ്ങൾക്ക് ക്രെഡിറ്റ് ലൈനും ഷാഡോ ബാങ്കുകൾക്കും വൈദ്യുതി വിതരണ കമ്പനികൾക്കും പിന്തുണ നൽകുന്ന ആദ്യ ഘട്ടത്തിൽ 5.94 ലക്ഷം കോടി രൂപയാണ് വകയിരുത്തിയിരിക്കുന്നത്.
- എംഎസ്എംഇ ഉൾപ്പെടെയുള്ള ബിസിനസുകൾക്കായി അടിയന്തര പ്രവർത്തന മൂലധന സൗകര്യം: 3 ലക്ഷം കോടി
- എംഎസ്എംഇകൾക്കുള്ള സബോർഡിനേറ്റ് കടം: 20,000 കോടി രൂപ
- എംഎസ്എംഇകൾക്കുള്ള ഫണ്ട്: 50,000 കോടി രൂപ
- ബിസിനസുകൾക്കും തൊഴിലാളികൾക്കും ഇപിഎഫ് പിന്തുണ: 2,800 കോടി രൂപ
- ഇപിഎഫ് നിരക്ക് കുറയ്ക്കൽ: 6,750 കോടി രൂപ
- എൻബിഎഫ്സി, എച്ച്എഫ്സി, എംജിഐഎസ് എന്നിവയ്ക്കായി പ്രത്യേക ലിക്വിഡിറ്റി സ്കീം: 30,000 കോടി രൂപ
- എൻബിഎഫ്സി, എംഎഫ്ഐ എന്നിവയുടെ ബാധ്യതകൾക്കായുള്ള ഭാഗിക ക്രെഡിറ്റ് ഗ്യാരണ്ടി സ്കീം 2.0: 45,000 കോടി രൂപ
- ഡിസ്കോംസ്: 90,000 കോടി രൂപ
- ടിഡിഎസ് / ടിസിഎസ് നിരക്കിൽ കുറവ്: 50,000 കോടി രൂപ
രണ്ടാം ഘട്ടം
- കുടിയേറ്റ തൊഴിലാളികൾക്ക് 2 മാസത്തേക്ക് സൌജന്യ ഭക്ഷ്യധാന്യ വിതരണം: 3,500 കോടി രൂപ
- മുദ്ര ശിശു വായ്പകൾക്കുള്ള പലിശ ഇളവ്: 1,500 കോടി രൂപ
- തെരുവ് കച്ചവടക്കാർക്ക് പ്രത്യേക വായ്പാ : 5,000 കോടി രൂപ
- ഭവന CLSS-MIG: 70,000 കോടി രൂപ
- നബാർഡ് വഴിയുള്ള അധിക അടിയന്തര ഡബ്ല്യുസിഎഫ്: 30,000 കോടി രൂപ
- കെസിസി വഴിയുള്ള അധിക ക്രെഡിറ്റ്: 2 ലക്ഷം കോടി രൂപ
ആഗോള സാമ്പത്തിക വളർച്ചയിൽ കൂടുതൽ ഇടിവുണ്ടാകുമെന്ന് അന്താരാഷ്ട്ര നാണയനിധി മുന്നറിയിപ്പ്
മൂന്നാം ഘട്ടം
- മൈക്രോ ഫുഡ് എന്റർപ്രൈസസിന് : 10,000 കോടി രൂപ
- പിഎം മത്സ്യ സമ്പദ പദ്ധതി: 20,000 കോടി രൂപ
- ടോപ്പ് ടു ടോട്ടൽ: 500 കോടി രൂപ
- അഗ്രി ഇൻഫ്രാ ഫണ്ട്: ഒരു ലക്ഷം കോടി രൂപ
- മൃഗസംരക്ഷണ ഇൻഫ്രാ വികസന ഫണ്ട്: 15,000 കോടി രൂപ
- ഔഷധസസ്യങ്ങളുടെ വികസനം: 4,000 കോടി രൂപ
- തേനീച്ചവളർത്തൽ സംരംഭം: 500 കോടി രൂപ
നാലും അഞ്ചും ഘട്ടങ്ങൾ
ഘടനാപരമായ പരിഷ്കാരങ്ങൾ കൈകാര്യം ചെയ്യുന്ന നാലാമത്തെയും അഞ്ചാമത്തെയും ഘട്ടത്തിൽ ആകെ 48,100 കോടി രൂപയാണ് വകയിരുത്തിയിരിക്കുന്നത്.
- വേരിയബിളിറ്റി ഗ്യാപ് ഫണ്ടിംഗ്: 8,100 കോടി രൂപ
- അധിക എംജിഎൻആർജിഎസ്: 40,000 കോടി രൂപ
- റിസർവ് ബാങ്ക് നടപടികൾ: 8,01,603 കോടി രൂപ
- ആകെ: 20,97,053 കോടി രൂപ