Just In
-
-
-
-
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക് -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ദില്ലി: വിദേശ നിക്ഷേപകരെ ആകർഷിക്കുന്നതിനുള്ള ഏറ്റവും സുഗമമായ നയങ്ങളിലൊന്നായതിനാൽ ഇന്ത്യയിലേക്കുള്ള നേരിട്ടുള്ള വിദേശ നിക്ഷേപം തുടർച്ചയായി വളരുകയാണെന്ന് വാണിജ്യ വ്യവസായ മന്ത്രി പീയൂഷ് ഗോയൽ. 2020 ഏപ്രിൽ മുതൽ സെപ്റ്റംബർ വരെയുള്ള കാലയളവിൽ എഫ്ഡിഐ 13 ശതമാനം വർധിച്ച് 40 ബില്യൺ യുഎസ് ഡോളറായെന്നും അദ്ദേഹം പറഞ്ഞു. 'ഇന്ത്യയിലേക്കുള്ള എഫ്ഡിഐ വരവ് തുടർച്ചയായി വർദ്ധിച്ചുകൊണ്ടിരിക്കുകയാണ്. ഈ വർഷത്തെ ആദ്യ ഒമ്പത് മാസങ്ങളിൽ പോലും, അതായത്, കോവിഡ് മഹമാരിയുടെ ഏറ്റവും ഉയർന്ന സമയത്ത് പോലും നമ്മുടെ എഫ്ഡിഐ വളർന്നു, ഇന്ന് ലോകത്തിലെ ഏറ്റവും സൗകര്യപ്രദവും ആകർഷകവുമായ എഫ്ഡിഐ നയങ്ങളിലൊന്നാണ് ഇന്ത്യയുടേത്' സിഐഐയുടെ പങ്കാളിത്ത ഉച്ചകോടി 2020 ൽ പങ്കെടുത്തുകൊണ്ട് പിയൂഷ് ഗോയല്‍ പറഞ്ഞു.
മിക്കവാറും എല്ലാ മേഖലകളിലും 100 ശതമാനം എഫ്ഡിഐ ഓട്ടോമാറ്റിക് റൂട്ടിലൂടെ അനുവദിക്കുന്നതായും മന്ത്രി പറഞ്ഞു. ടെലികോം, മീഡിയ, ഫാർമസ്യൂട്ടിക്കൽസ്, ഇൻഷുറൻസ് തുടങ്ങിയ ചില മേഖലകൾക്ക് വിദേശ നിക്ഷേപങ്ങള്‍ സ്വീകരിക്കാന്‍ സർക്കാർ അനുമതി ആവശ്യമാണ്. ലോട്ടറി ബിസിനസ്സ്, ചൂതാട്ടം, വാതുവയ്പ്പ്, ചിറ്റ് ഫണ്ടുകൾ, റിയൽ എസ്റ്റേറ്റ് ബിസിനസ്സ്, പുകയില ഉപയോഗിക്കുന്ന സിഗരറ്റ്, ചെറൂട്ട്, സിഗരില്ലോസ്, സിഗരറ്റ് എന്നിവയുടെ നിർമ്മാണം എന്നീ മേഖലയിലാണ് വിദേശ നിക്ഷപത്തിന് വിലക്കുണ്ട്.
സർക്കാർ അംഗീകാര റൂട്ടിന് കീഴിൽ വിദേശ നിക്ഷേപകർ അതത് മന്ത്രാലയത്തിന്റെ / വകുപ്പിന്റെ മുൻകൂർ അനുമതി വാങ്ങണം. ഓട്ടോമാറ്റിക് അംഗീകാര റൂട്ടിലൂടെ, നിക്ഷേപം നടത്തിയ ശേഷം നിക്ഷേപകൻ റിസർവ് ബാങ്കിനെ അറിയിക്കണം. രാജ്യത്തിന് നിരവധി മേഖലകളിൽ അവസരങ്ങളുള്ളതിനാൽ ഇന്ത്യയിൽ നിക്ഷേപം നടത്താൻ മന്ത്രി നിക്ഷേപകരെ ക്ഷണിക്കുകയും ചെയ്തു.
ഇന്ത്യ അവസരങ്ങളുടെ നാടാണ്. വികസനം, വളർച്ച, സമൃദ്ധി എന്നിവയുടെ ബസ്സിൽ കയറാൻ ഞാൻ നിങ്ങളെ ക്ഷണിക്കുന്നു... ചുവന്ന പരവതാനി വിരിച്ച ഞങ്ങൾ നിങ്ങളെ സ്വാഗതം ചെയ്യുകയും അവസരങ്ങളുടെ ഈ ദേശത്തേക്കുള്ള നിങ്ങളുടെ യാത്രയില്‍ ഞങ്ങളുടെ പൂർണ്ണമായ സഹായവും പങ്കാളിത്തവും പങ്കാളിത്തവും ഉറപ്പുനൽകുകയും ചെയ്യുന്നുവെന്നും അദ്ദേഹം കൂട്ടിച്ചേര്‍ത്തു.
