Just In
-
-
-
-
Don't Miss
-
'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
'നടുക്ക് കേറി നിന്നിട്ടും കാര്യമില്ലാതെയായല്ലോ, ബിഗ് ബോസ് പണവുമായി ചെല്ലുമ്പോൾ സമൂഹത്തിൽ വിലയില്ലാതാകും' -
ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ -
IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും? -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
ദില്ലി: കോവിഡ് 19 പടരുന്ന സാഹചര്യത്തില്‍ സര്‍ക്കാര്‍ യാത്രാ നിയന്ത്രണങ്ങള്‍ ഏര്‍പ്പെടുത്തിയതോടെ സേവനങ്ങളില്‍ നിയന്ത്രണവുമായി വാദിയ ഗ്രൂപ്പിന്റെ ഗോ എയര്‍ ലിമിറ്റഡ്. ഏപ്രില്‍ 15 വരെയാണ് മുംബൈ ആസ്ഥാനമായി പ്രവര്‍ത്തിക്കുന്ന ഗോ എയര്‍ അന്താരാഷ്ട്ര സേവനങ്ങള്‍ താല്‍ക്കാലികമായി നിര്‍ത്തി വെച്ചത്. വിമാന കമ്പനിയിലെ ഒരു വിഭാഗം ജീവനക്കാരോട് ഹ്രസ്വ കാലത്തേക്ക് ശമ്പളമില്ലാത്ത അവധിയില്‍ പ്രവേശിക്കാനും ആവശ്യപ്പെട്ടതായും എയര്‍ലൈന്‍ അധികൃതര്‍ പുറത്തിറക്കിയ പ്രസ്താവനയില്‍ പറയുന്നു. ഇതുവഴി കമ്പനിക്ക് ബാധ്യത ഒഴിവാക്കുന്നതിനോടൊപ്പം നിലവിലെ സാഹചര്യത്തില്‍ ജീവനക്കാരെ മാറ്റി നിര്‍ത്താനും സാധിക്കുമെന്ന് ഗോ എയര്‍ അവകാശപ്പെട്ടു.
മാലി ദ്വീപ്, അബുദാബി, മസ്‌കറ്റ്, ദുബായ്, ദമ്മാം, കുവൈറ്റ്, ഫൂക്കറ്റ്, ബാങ്കോക്ക് തുടങ്ങി കോവിഡ് 19 സ്ഥിരീകരിച്ച നിരവധി രാജ്യങ്ങളിലേക്ക് വിമാനം കഴിഞ്ഞ ദിവസങ്ങളില്‍ സര്‍വീസ് നടത്തിയിരുന്നു. ഈയൊരു സാഹചര്യത്തില്‍ കൂടിയാണ് എയര്‍ലൈനിലെ എല്ലാ വിഭാഗത്തില്‍ നിന്നുമുള്ള ജീവനക്കാരോടും ഒരു മാസത്തെ അവധിയില്‍ പോകാന്‍ ആവശ്യപ്പെട്ടതായി റിപ്പോര്‍ട്ടുകള്‍ പറയുന്നു. അതേസമയം, കൊറോണ വൈറസ് കാരണം 113 ബില്യണ്‍ ഡോളര്‍ വരുമാനം നഷ്ടപ്പെടുമെന്ന് ഏവിയേഷന്‍ വ്യവസായ ലോബി ഗ്രൂപ്പായ ഇന്റര്‍നാഷണല്‍ എയര്‍ ട്രാന്‍സ്‌പോര്‍ട്ട് അസോസിയേഷന്‍ (അയാട്ട) മുന്നറിയിപ്പ് നല്‍കി. വൈറസ് പൊട്ടിപ്പുറപ്പെട്ടതിനെ തുടര്‍ന്ന സര്‍ക്കാര്‍ മുന്‍കരുതലുകള്‍ സ്വീകരിച്ചതോടെ നിരവധി പരിപാടികള്‍ റദ്ദാക്കപ്പെട്ടു. സ്വാഭാവികമായും ആളുകള്‍ യാത്ര ഒഴിവാക്കി. ഇത് എയര്‍ലൈന്‍ വ്യവസായത്തിന് തിരിച്ചടിയായി. യാത്രക്കാരുടെ എണ്ണത്തില്‍ ഗണ്യമായ കുറവാണ് ഇപ്പോഴുള്ളതെന്നും റിപ്പോര്‍ട്ടില്‍ പറയുന്നു.
ഗോ എയറിന് പിന്നാലെ മറ്റു വിമാനക്കമ്പനികളും സര്‍വീസ് താല്‍ക്കാലികമായി നിര്‍ത്തിയേക്കുമെന്നും ജീവനക്കാരെ നിര്‍ബന്ധിത അവധിയില്‍ പ്രവേശിപ്പിക്കുമെന്നും റിപ്പോര്‍ട്ടുകളുണ്ട്. സിംഗപ്പൂര്‍ എയര്‍ലൈന്‍സ് (എസ്ഐഎ) തങ്ങളുടെ ശൃംഖലയിലെ അധിക സേവനങ്ങള്‍ ചൊവ്വാഴ്ച മുതല്‍ നിര്‍ത്തലാക്കി. നേരത്തെ നിശ്ചയിച്ചിരുന്ന സര്‍വീസുകളുടെ പകുതി മാത്രമേ ഏപ്രില്‍ അവസാനം വരെ പ്രവര്‍ത്തിക്കുകയുള്ളൂവെന്ന് കമ്പനി പുറത്ത് വിട്ട പ്രസ്താവനയില്‍ പറയുന്നു. കോവിഡ് -19 മൂലം ആഗോളതലത്തില്‍ 7,461ലധികം ആളുകള്‍ ഇതിനോടകം കൊല്ലപ്പെട്ടു. രോഗബാധിതരുടെ എണ്ണം 186,409 ല്‍ കൂടുതലാണ്. അമേരിക്ക ഉള്‍പ്പെടെ പല സര്‍ക്കാരുകളും തങ്ങളുടെ രാജ്യത്ത് താല്‍ക്കാലിക യാത്രാ നിരോധനം പ്രഖ്യാപിച്ചിട്ടുണ്ട്.
