Just In
-
-
-
-
Don't Miss
-
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
വൈഡ് ലെഗ് ജീന്സ് മുതല് ബഗെറ്റ് ബാഗ് വരെ; ജെന് Z ആഗ്രഹിക്കുന്ന ഫാഷന് എസന്ഷ്യലുകള് ഇവയാണ് -
റസിയക്കാണോ പ്രാധാന്യമെന്ന് കാവ്യക്ക് സംശയം; എന്നെ വിളിച്ചു; ദിലീപ് ഇങ്ങോട്ട് ആവശ്യപ്പെട്ട റോൾ; കമൽ -
ഈ രാശിക്കാർക്ക് കര്മ്മപുഷ്ടിയും സാമ്പത്തികനേട്ടവും, ദൂരയാത്രകള് ആവശ്യമായി വരും, രാശിഫലം -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഇന്ത്യയുടെ സമ്പദ്‌വ്യവസ്ഥ വീണ്ടെടുക്കുകയാണെങ്കിലും അടിയന്തര ശ്രദ്ധ ആവശ്യമുള്ള നിരവധി പ്രശ്‌നങ്ങൾ ഇപ്പോഴും നിലനിൽക്കുന്നുണ്ട്. അവയിലൊന്ന് സ്ഥിരമായി ഉയരുന്ന ചില്ലറ പണപ്പെരുപ്പമാണ്. പ്രത്യേകിച്ചും രാജ്യം ഔദ്യോഗികമായി മാന്ദ്യത്തിലേക്ക് കടക്കുമ്പോൾ. ഒക്ടോബറിലെ ചില്ലറ പണപ്പെരുപ്പം 7.61 ശതമാനമായി ഉയർന്നു. കഴിഞ്ഞ ആറ് വർഷത്തിനിടയിലെ ഏറ്റവും ഉയർന്ന നിരക്കാണിത്. സെപ്റ്റംബറിൽ ഇത് 7.27 ശതമാനമായിരുന്നു. 2019 ഒക്ടോബറിൽ ചില്ലറ പണപ്പെരുപ്പം 4.62 ശതമാനമായിരുന്നു.
ഒക്ടോബറിലെ പണപ്പെരുപ്പം
പണപ്പെരുപ്പം 7 ശതമാനത്തിന് മുകളിലായി തുടരുന്ന രണ്ടാമത്തെ മാസമാണ് ഒക്ടോബർ. റിസർവ് ബാങ്കിന്റെ ലക്ഷ്യമായ 2-6 ശതമാനത്തിന് മുകളിലാണ് ഇത്. ചില്ലറ പണപ്പെരുപ്പം ആർ‌ബി‌ഐയുടെ ലക്ഷ്യത്തെക്കാൾ ഏഴ് മാസത്തിലേറെയായി ഉയരത്തിലാണ്. നവംബറിൽ പണപ്പെരുപ്പം 7 ശതമാനത്തിന് മുകളിലായിരിക്കുമെന്ന് പുതിയ റോയിട്ടേഴ്‌സ് റിപ്പോ‍‍ർട്ട് വ്യക്തമാക്കുന്നു.
ഉയർന്ന പണപ്പെരുപ്പം നിങ്ങളെ എങ്ങനെ ബാധിക്കുന്നു?
ഉയർന്ന പണപ്പെരുപ്പം ഉയർന്ന സാമ്പത്തിക പ്രവർത്തനത്തിന്റെ അടയാളമാണെങ്കിലും വാങ്ങൽ ആവശ്യകതയെ ഇത് പ്രതികൂലമായി ബാധിക്കും. ചില്ലറ പണപ്പെരുപ്പം ഉപഭോക്തൃ വില സൂചിക (സിപിഐ) അടിസ്ഥാനമാക്കിയുള്ളതാണ്. ഇത് ജീവനക്കാർ ദിവസേന വാങ്ങുന്ന ചരക്കുകളുടെയും സേവനങ്ങളുടെയും ചില്ലറ വിലയിലെ മാറ്റങ്ങൾ അനുസരിച്ച് വ്യത്യാസപ്പെടുന്നു.
വില വ‍ർദ്ധനവ്
ലളിതമായി പറഞ്ഞാൽ, ഭക്ഷണം, ഇന്ധനം, വസ്ത്രം, വൈദ്യുതി എന്നിവയുൾപ്പെടെ ദൈനംദിന വസ്തുക്കൾക്ക് നിങ്ങൾ നൽകുന്ന തുകയുടെ അളവാണ് ചില്ലറ പണപ്പെരുപ്പം. വരും മാസങ്ങളിൽ പണപ്പെരുപ്പം കുറയുമെന്ന് സാമ്പത്തിക വിദഗ്ധർ പ്രതീക്ഷിക്കുന്നുണ്ടെങ്കിലും അവശ്യവസ്തുക്കളായ പച്ചക്കറികൾ, പഴങ്ങൾ, മാംസം, മറ്റ് ഭക്ഷ്യവസ്തുക്കൾ എന്നിവയുടെ വില കുത്തനെ ഉയർന്നു കൊണ്ടിരിക്കുകയാണ്. വൈദ്യുതി, ഇന്ധനം എന്നിവയുടെയും വിലയും ഉയർന്ന നിലയിലാണ്.
പച്ചക്കറി വില
സെപ്റ്റംബറിൽ 20 ശതമാനത്തിലധികം വർദ്ധിച്ചതിന് ശേഷം ഒക്ടോബറിൽ പച്ചക്കറി വില 22.5 ശതമാനത്തിലധികം ഉയർന്നുവെന്നത് എടുത്തുപറയേണ്ടതാണ്. പയർവർഗ്ഗങ്ങൾ, മത്സ്യം, മാംസം എന്നിവയുടെ വിലയും 18 ശതമാനത്തിലധികം വർദ്ധിച്ചു. ഇതിനർത്ഥം ദരിദ്ര, ഇടത്തരം വരുമാനക്കാരുടെ പ്രധാന ചെലവുകളായ ഭക്ഷ്യവസ്തുക്കൾക്കായി ഉപയോക്താക്കൾ ഇപ്പോൾ കൂടുതൽ പണം നൽകേണ്ടി വരുന്നു.
ഇന്ധനം, വൈദ്യുതി
ഒക്ടോബർ, സെപ്റ്റംബർ മാസങ്ങളിൽ ഇന്ധന, വൈദ്യുതി വിലക്കയറ്റം രണ്ട് ശതമാനത്തിലധികം ഉയർന്നു. ആരോഗ്യ സംരക്ഷണത്തിനുള്ള ചെലവ് അഞ്ച് ശതമാനത്തിലധികം ഉയർന്നു. ഒക്ടോബറിലെ പ്രധാന പണപ്പെരുപ്പം 5.5 മുതൽ 5.8 ശതമാനം വരെയാണ്.
കുറഞ്ഞ സമ്പാദ്യം
ഉയർന്ന തോതിലുള്ള പണപ്പെരുപ്പം സാമ്പത്തിക വളർച്ചയെ കുറയ്ക്കാൻ സാധ്യതയുണ്ടെന്ന് വിദഗ്ദ്ധർ വിശദീകരിക്കുന്നു. എന്നാൽ മാന്ദ്യത്തിന്റെ ഘട്ടത്തിൽ, തൊഴിലവസരങ്ങൾ പരിമിതമാകുമ്പോൾ, വരുമാനം വർദ്ധിപ്പിക്കാനുള്ള സാധ്യത വളരെ കുറവാണ്. തൊഴിലവസരങ്ങൾ പരിമിതവും സേവനമേഖലയിൽ നിന്നുള്ള പലരും താഴ്ന്ന വരുമാനത്തിൽ ജീവിക്കുന്നവരുമായതിനാൽ, ഭക്ഷണം, ഊർജ്ജം, മറ്റ് അവശ്യവസ്തുക്കൾ, സേവനങ്ങൾ എന്നിവയ്ക്കുള്ള ഉയർന്ന ചെലവ് ദീർഘകാല വളർച്ചയ്ക്ക് വലിയ ഭീഷണിയായി മാറിയേക്കാം.
