''ഐമൊബൈല്‍ പേ''; പുതിയ മൊബൈൽ ആപുമായിഐസിഐസിഐ ബാങ്ക്

ദില്ലി; ഏത് ബാങ്കുകളിലേയും ഉപഭോക്താക്കൾക്ക് എളുപ്പത്തിൽ പേയ്മെന്റ് ,ബാങ്കിംഗ് സേവനങ്ങൾ നടത്താൻ കഴിയുന്ന മൊബൈൽ ആപ് അവതരിപ്പിച്ച് ഐസിഐസിഐ ബാങ്ക്.''ഐമൊബൈല്‍ പേ'' പേരിലാണ് ആപ്. ഏതൊരു യുപിഐ (യൂണിഫൈഡ് പേയ്‌മെന്റ് ഇന്റർഫേസ്) ഐഡിയിലേക്കും ഇടപാട് നടത്താനുള്ള സൗകര്യം ആപ് നൽകുന്നു. കൂടാതെ ബില്ലുകൾ അടയ്ക്കുക, ഓൺ‌ലൈൻ റീചാർജുകൾ ,സേവിംഗ്സ് അക്കൗണ്ട് നിക്ഷേപങ്ങൾ, വായ്പകൾ, ക്രെഡിറ്റ് കാർഡുകൾ, ഗിഫ്റ്റ് കാർഡുകൾ, ട്രാവൽ കാർഡുകൾ എന്നിവയും ഈ ആപിലൂടെ ലഭ്യമാകും.

'ഐ മൊബൈൽ പേ' ഉപയോക്താക്കൾക്ക് ഏത് ബാങ്ക് അക്കൗണ്ടിലേക്കും പേയ്‌മെന്റ് അപ്ലിക്കേഷനിലേക്കും ഡിജിറ്റൽ വാലറ്റിലേക്കും പണം കൈമാറാൻ കഴിയും
മാത്രമല്ല 'ഐമൊബൈൽ പേ'യുടെ മറ്റൊരു പ്രധാന സവിശേഷത 'പേ ടു കോണ്‍ടാക്റ്റ്' അഥവാ നിങ്ങളുടെ ഫോൺ കോണ്ടാക്ട് ലിസ്റ്റിലെ ആളുകളുടെ യുപിഎ ഐഡി എളുപ്പത്തിൽ കണ്ടെത്താൻ സാധിക്കും എന്നതാണ്. ഐസിഐസിഐ ബാങ്ക് യുപിഐ ഐഡി നെറ്റ്‌വർക്കിൽ രജിസ്റ്റർ ചെയ്തിട്ടുള്ളതോ ‌മറ്റേതെങ്കിലും ആപ്പിലോ ഡിജിറ്റൽ വാലറ്റിലോ രജിസ്റ്റർ ചെയ്തിട്ടുള്ളതോ ആയ ഉപഭോക്താവിന്റെ ഐഡിയായിരിക്കും ഇത്തരത്തിൽ കണ്ടെത്താൻ കഴിയുക.

ഈ സൗകര്യങ്ങള്‍ ലഭ്യമാക്കുന്ന ഇന്ത്യയിലെ ആദ്യ ആപ്പാണ് ''ഐമൊബൈല്‍ പേ'' എന്ന് ഐസിഐസിഐ ബാങ്ക് എക്സിക്യൂട്ടീവ് ഡയറക്ടര്‍ അനൂപ് ബഗ്ച്ചി അവകാശപ്പെട്ടു.ഐമൊബൈൽ പേ വഴി ഏത് ബാങ്ക് ഉപഭോക്താക്കള്‍ക്കും ബാങ്കിങ് ഇടപാടുകള്‍ സുരക്ഷിതമായും സുഗമമായും വേഗത്തില്‍ നടത്തുവാന്‍ സാധിക്കും. എല്ലാ ബാങ്ക് അക്കൗണ്ടുകളും ഐമൊബൈൽ പേയുമായി ബന്ധിപ്പിക്കുവാനും സൗകര്യമുണ്ട്. പുതിയ സേവനങ്ങൾ ഡിജിറ്റൽ ബാങ്കിൽ കാതലായ മാറ്റങ്ങൾ സഷ്ടിക്കുന്നതിൽ നിർണായക പങ്കുവഹിക്കുമെന്നും ബഗ്ച്ചി പറഞ്ഞു.