കൊവിഡ് വാക്‌സിനെടുത്തവരാണോ നിങ്ങള്‍; കുറഞ്ഞ പലിശയില്‍ ഈസിയായി ഗോള്‍ഡ് ലോണ്‍

കൊച്ചി: കൊവിഡ് വാക്‌സിനേഷന്‍ പ്രോത്സാഹിപ്പിക്കുന്നതിനായി വമ്പന്‍ ഓഫറുകളുമായി പ്രമുഖ ബാങ്കിംഗ് ഇതര ധനകാര്യസ്ഥാപനമായ ഇന്‍ഡല്‍ മണി. വാക്‌സിന്‍ സ്വീകരിച്ചവര്‍ക്ക് സ്വര്‍ണ പണയ വായ്പയില്‍ പലിശ ഇളവ് പ്രഖ്യാപിച്ചിരിക്കുകയാണ് ഇന്‍ഡല്‍ മണി. ഇതിന് വേണ്ടി ഇന്‍ഡല്‍ ഐഎഫ്‌സി എന്ന പുതിയ സ്‌കീം അവതരിപ്പിച്ചിരിക്കുകയാണ് കമ്പനി.

ഒറ്റ ഡോസ് വാക്‌സിന്‍ എടുക്കവര്‍ക്കാണ് കമ്പനിയുടെ പുതിയ ഓഫര്‍. 11.5 ശതമാനം പലിശ നിരക്കില്‍ സ്വര്‍ണപ്പണയ വായ്പയാണ് കമ്പനി വാഗ്ദാനം ചെയ്യുന്നത്. കമ്പനിയുടെ രാജ്യത്തെ എല്ലാ ശാഖകളിലും പുതിയ സ്‌കീം പ്രകാരം ഗോള്‍ഡ് ലോണ്‍ ലഭിക്കുമെന്ന് കമ്പനി അധികൃതര്‍ അറിയിച്ചു.

കൊവിഡ് വാക്‌സിനേഷന്‍ പ്രോത്സാഹിപ്പിക്കുകയും ജനങ്ങളുടെ ജീവിത സുരക്ഷ ഉറപ്പാക്കുകയും ചെയ്യുന്നതിന് വേണ്ടിയാണ് ഇത്തരത്തിലുള്ള പദ്ധതി ആവിഷ്‌കരിച്ചതെന്ന് ഇന്‍ഡല്‍ മണി എക്‌സിക്യൂട്ടീവ് ഡയറക്ടറും സിഇഒയുമായ ഉമേഷ് മോഹന്‍ അറിയിച്ചു. പരമാവധിയാളുകള്‍ വാക്‌സിന്‍ എടുക്കുകയെന്നതാണ് ഇതിലൂടെ ഉദ്ദേശിക്കുന്നതെന്നും അദ്ദേഹം വ്യക്തമാക്കി.

കൊച്ചി ആസ്ഥാനമായി പ്രവര്‍ത്തിക്കുന്ന ഇന്‍ഡല്‍ കോര്‍പ്പറേഷന്റെ മുന്‍നിര കമ്പനിയാണ് ഇന്‍ഡല്‍ മണി. 1000 കോടി ടേണോവറും 200ല്‍ പരം കോടി മൂലധനവുമുള്ള സ്ഥാപനാണ് ഇന്‍ഡല്‍ കോര്‍പ്പറേഷന്‍. സമൂഹത്തോടുള്ള പ്രതിബദ്ധതയാണ് പുതിയ സ്‌കീമിലൂടെ ഇന്‍ഡല്‍ മണി നിറവേറ്റുന്നതെന്ന് സിഇഒ വ്യക്തമാക്കി.