ഇന്ത്യയുടെ ജിഡിപി വളർച്ച 7.5 ശതമാനത്തിലേയ്ക്ക് ചുരുങ്ങി, കഴിഞ്ഞ പാദത്തേക്കാൾ മെച്ചം

2020-21 ലെ രണ്ടാം പാദത്തിലെ (ജൂലൈ-സെപ്റ്റംബർ) ജിഡിപി വളർച്ചാ നിരക്കുകൾ സ്റ്റാറ്റിസ്റ്റിക്സ് ആൻഡ് പ്രോഗ്രാം ഇംപ്ലിമെന്‍റേഷൻ മന്ത്രാലയം പുറത്തുവിട്ടു. 2020-21 രണ്ടാം പാദത്തിലെ ജിഡിപി 33.14 ലക്ഷം കോടി രൂപയായാണ് കണക്കാക്കിയിരിക്കുന്നത്. 2019-20 ലെ രണ്ടാം പാദത്തിലെ 35.84 ലക്ഷം കോടി രൂപയിൽ നിന്ന് 7.5 ശതമാനം കുറവാണ് ഇത്തവണ രേഖപ്പെടുത്തിയിരിക്കുന്നത്. എന്നിരുന്നാലും ഒന്നാം പാദത്തേക്കാൾ സ്ഥിതി മെച്ചപ്പെട്ടിട്ടുണ്ട്.

കഴിഞ്ഞ പാദത്തിലെ റെക്കോർഡ് സങ്കോചത്തിന് കാരണമായ മഹാമാരി നിയന്ത്രണങ്ങൾ ലഘൂകരിച്ചത് സമ്പദ്വ്യവസ്ഥയ്ക്ക് ഗുണകരമായി. രണ്ടാം പാദത്തിൽ നാമമാത്ര വളർച്ച കൈവരിച്ച നിർമാണമേഖലയുടെ മികച്ച പ്രകടനമാണ് പ്രതീക്ഷകൾ തകർത്തത്. എന്നിരുന്നാലും, സ്വകാര്യ ഉപഭോഗം 11.5 ശതമാനം കുറഞ്ഞു. ഉപഭോഗത്തിൽ കുതിച്ചുചാട്ടത്തിന് ഇനിയും സമയമെടുക്കുമെന്നാണ് സൂചനകൾ. വൈദ്യുതി മേഖല 4.4 ശതമാനവും കാർഷിക മേഖല മൂന്നു ശതമാനത്തിലധികവും വളർന്നു.

ഇന്ത്യയുടെ ജിഡിപി വളർച്ച 7.5 ശതമാനത്തിലേയ്ക്ക് ചുരുങ്ങി, കഴിഞ്ഞ പാദത്തേക്കാൾ നേട്ടം

2020-21 ലെ നിലവിലെ വിലകളിലെ ജിഡിപി 47.22 ലക്ഷം കോടി രൂപയായി കണക്കാക്കപ്പെടുന്നു. 2019-20 ലെ രണ്ടാം പാദത്തിൽ ഇത് 49.21 ലക്ഷം കോടി രൂപയായിരുന്നു. ഇത് 2019-20 ലെ രണ്ടാം പാദത്തിലെ 5.9 ശതമാനം വളർച്ചയുമായി താരതമ്യം ചെയ്യുമ്പോൾ 4.0 ശതമാനം ചുരുങ്ങി.

ജിഡിപി കണക്കാക്കലിൽ കാർഷിക, സഹകരണ, കർഷകക്ഷേമ വകുപ്പിൽ നിന്ന് ലഭിച്ച 2020-21 ലെ ഖാരിഫ് സീസണിലെ കാർഷിക ഉൽപാദനത്തിന്റെ കണക്കുകളും മൃഗസംരക്ഷണ വകുപ്പിൽ നിന്ന് ലഭിച്ച കണക്കുകളും ഉൾപ്പെടുത്തിയിട്ടുണ്ട്.