കോഗ്നിസന്റിനു പിന്നാലെ ഇന്ത്യയിലെ രണ്ടാമത്തെ വലിയ ഐടി കമ്പനിയായ ഇൻഫോസിസും ജീവനക്കാരെ പിരിച്ചുവിടാൻ ഒരുങ്ങുന്നു. ചെലവ് ചുരുക്കലിന്റെ ഭാഗമായി മിഡ്, സീനിയർ തല ജീവനക്കാരെയാണ് കമ്പനി പിരിച്ചുവിടാൻ ഒരുങ്ങുന്നത്. ബംഗളൂരു ആസ്ഥാനമായി പ്രവർത്തിക്കുന്ന കമ്പനി മുതിർന്ന മാനേജർമാർക്കുള്ള ഇന്റേണൽ ജോബ് കോഡായ ജെ എൽ 6 ബാൻഡിൽ (ജോബ് ലെവൽ 6) ഉള്ള 10 ശതമാനം അല്ലെങ്കിൽ 2,200 ഓളം പേരെയാണ് പിരിച്ചുവിടാൻ പദ്ധതിയിട്ടിരിക്കുന്നത്.
പിരിച്ചുവിടൽ
JL6, JL7, JL8 ബാൻഡുകളിലായി 30,092 ജീവനക്കാരാണ് കമ്പനിയിലുള്ളത്. ഒരു പ്രമുഖ പ്രസിദ്ധീകരണത്തിന്റെ റിപ്പോർട്ട് അനുസരിച്ച് കമ്പനി 2-5% വരെ അസോസിയേറ്റ് (JL3 ഉം അതിനു താഴെയും), മിഡിൽ (JL4, 5) തലങ്ങളിലെ ജീവനക്കാരെ പിരിച്ചുവിടുമെന്നാണ് അറിയിച്ചിരിക്കുന്നത്. 971 സീനിയർ എക്സിക്യൂട്ടീവുകളിൽ 2-5% (അസിസ്റ്റന്റ് വൈസ് പ്രസിഡന്റുമാർ, വൈസ് പ്രസിഡന്റുമാർ, സീനിയർ വൈസ് പ്രസിഡന്റുമാർ, എക്സിക്യൂട്ടീവ് വൈസ് പ്രസിഡന്റുമാർ) പേരോടും പിരിഞ്ഞു പോകാൻ കമ്പനി ആവശ്യപ്പെടുമെന്നാണ് വിവരം. അതായത് 50ഓളം എക്സിക്യൂട്ടീവുകൾ പിരിഞ്ഞു പോകേണ്ടി വരും.
ഏറ്റവും വലിയ പിരിച്ചുവിടൽ
അടുത്ത കാലത്ത് എങ്ങും കമ്പനിയിൽ ഇത്രയും വലിയ പിരിച്ചുവിടൽ നടന്നിട്ടില്ല. പ്രകടനത്തെ അടിസ്ഥാനമാക്കി ആളുകളെ കമ്പനി മുമ്പ് പിരിച്ചുവിട്ടിട്ടുണ്ടെങ്കിൽ ഇത്തരത്തിൽ ഒരു കൂട്ട പിരിച്ചുവിടൽ അടുത്ത കാലത്ത് എങ്ങും ഉണ്ടായിട്ടില്ലെന്ന് കമ്പനിയോട് അടുത്ത വൃത്തങ്ങൾ വ്യക്തമാക്കി.
സർക്കാർ ജോലിയും ഇനി സുരക്ഷിതമല്ല; പണി എടുത്തില്ലെങ്കിൽ പിരിച്ചുവിടും, ജോലി പോയത് 17 പേർക്ക്
കേപ്ജെമിനി
മറ്റൊരു ആഗോള ഐടി കമ്പനിയായ കേപ്ജെമിനി അടുത്തിടെ ഇന്ത്യയിലെ 500 ഓളം ജീവനക്കാരെ പിരിച്ചുവിട്ടിരുന്നു. ചില പ്രൊജക്ടുകൾ കമ്പനിക്ക് നഷ്ട്ടമായതിനെ തുടർന്നാണ് ജീവനക്കാരെ പിരിച്ചുവിട്ടത്. ഫ്രഞ്ച് ഐടി സേവന സ്ഥാപനമാണ് കേപ്ജെമിനി. കേപ്ജെമിനി ഇന്ത്യയിൽ 1.08 ലക്ഷം ജോലിക്കാരെ നിയമിച്ചിട്ടുണ്ട്.
ബിഎസ്എൻഎൽ ജീവനക്കാരുടെ ജോലിയ്ക്ക് ഭീഷണി; ചെലവ് ചുരുക്കാൻ പിരിച്ചുവിടൽ
സാംസങ്
കൊറിയൻ ഇലക്ട്രോണിക്സ് ഭീമനായ സാംസങ് ഇന്ത്യയിൽ നിന്നുള്ള ആയിരത്തോളം ജീവനക്കാരെ അടുത്തിടെ വെട്ടിക്കുറച്ചിരുന്നു. ചെലവിന് അനുസരിച്ച് വരുമാനം ലഭിക്കാതായതോടെയാണ് കമ്പനി പിരിച്ചു വിടൽ നടപടികളിലേയ്ക്ക് കടന്നത്. നിലവിലെ സാഹചര്യത്തിൽ ബിസിനസ്സിന്റെ ദീർഘകാല വിജയത്തിനായാണ് പിരിച്ചുവിടൽ പോലുള്ള നടപടികൾ സ്വീകരിക്കുന്നതെന്നും കമ്പനി വക്താവ് അറിയിച്ചിരുന്നു.
സാംസങ് ഇന്ത്യൻ ജീവനക്കാരെ പിരിച്ചുവിടുന്നു; കാരണം എന്താണെന്ന് അറിയണ്ടേ?
malayalam.goodreturns.in