ചൈനീസ് ബാങ്കുകളെ കുറ്റപ്പെടുത്തി ജാക്ക് മാ, ഈ വാക്കുകൾ കാരണം നഷ്ടം 35 ബില്യൺ ഡോളർ

ജാക്ക് മാ വളരെ തിരക്കുള്ള ആളാണ്. ചൈനയിലെ ഏറ്റവും വലിയ ധനികനായ മാ ലോകത്തിലെ ഏറ്റവും വലിയ ഐ‌പി‌ഒ ആരംഭിക്കുന്ന തിരക്കിലായിരുന്നു. കൂടാതെ അലിബാബ ഗ്രൂപ്പ് ഹോൾഡിംഗ് ലിമിറ്റഡിന്റെ ഏറ്റവും മികച്ച നാല് ദിവസത്തെ ഡബിൾ ഇലവൻ ഷോപ്പിംഗ് എക്സ്ട്രാവാഗാൻസയുടെ തയ്യാറെടുപ്പിലുമാണ് അദ്ദേഹം. എന്നാൽ രണ്ടാഴ്ച മുമ്പ്, ഷാങ്ഹായിലെ ഒരു ഉന്നത സാമ്പത്തിക ഫോറത്തിൽ ചൈനയുടെ ബാങ്കിംഗ് സംവിധാനത്തെക്കുറിച്ച് തുറന്ന് പറഞ്ഞ മാ  പ്രതിസന്ധിയിലായിരിക്കുകയാണ്.

വിവാദ പ്രസംഗം

ആ പ്രസംഗത്തിൽ, ആഗോള ബാങ്കിംഗ് കരാറുകളെ "പഴയ ആളുകളുടെ ക്ലബ്" എന്ന് പറഞ്ഞതിന് പുറമെ, "വ്യവസ്ഥാപരമായ റിസ്ക്" ചൈനയിലെ പ്രശ്നമല്ലെന്ന് മാ പറഞ്ഞു. മറിച്ച്, ചൈനയുടെ ഏറ്റവും വലിയ അപകടസാധ്യത "ഒരു സാമ്പത്തിക ആവാസവ്യവസ്ഥയുടെ അഭാവമാണ്" എന്നും അദ്ദേഹം വ്യക്തമാക്കി. നിങ്ങൾ ബാങ്കിൽ നിന്ന് ഒരു ലക്ഷം യുവാൻ കടം വാങ്ങുകയാണെങ്കിൽ, നിങ്ങൾ അൽപ്പം ഭയപ്പെടുന്നു; നിങ്ങൾ ഒരു ദശലക്ഷം യുവാൻ കടം വാങ്ങിയാൽ നിങ്ങളും ബാങ്കും അൽപ്പം അസ്വസ്ഥരാണ്; നിങ്ങൾ ഒരു ബില്യൺ യുവാൻ വായ്പ എടുക്കുകയാണെങ്കിൽ, നിങ്ങൾ ഒട്ടും ഭയപ്പെടുന്നില്ല, ബാങ്ക് ഭയപ്പെടുമെന്നും "മാ പറഞ്ഞു.

പരിണിത ഫലങ്ങൾ

ഈ പ്രസംഗത്തിന്റെ പരിണതഫലങ്ങൾ ഈ ആഴ്ച മായെ തേടി വന്നു. തിങ്കളാഴ്ച, ബീജിംഗിലെ മികച്ച സാമ്പത്തിക നിരീക്ഷണ സംഘങ്ങൾ മായെ വിളിച്ചുവരുത്തി. ഓൺലൈൻ മൈക്രോ വായ്പ, കർശന മൂലധന ആവശ്യകതകൾ, ഏജന്റ് ഗ്രൂപ്പ് കമ്പനിയുടെ ചില ഉപഭോക്തൃ ക്രെഡിറ്റ് ബിസിനസുകൾക്കായി പ്രവർത്തന നിയമങ്ങൾ എന്നിവ സംബന്ധിച്ച കരട് നിയമങ്ങളും ബീജിംഗ് പുറത്തിറക്കി. എന്നാൽ വലിയ ഞെട്ടൽ ചൊവ്വാഴ്ച രാത്രി വന്നു. തിങ്കളാഴ്ചത്തെ മീറ്റിംഗും തുടർന്നുള്ള നിയന്ത്രണ മാറ്റങ്ങളും ചൂണ്ടിക്കാട്ടി ഷാങ്ഹായ് സ്റ്റോക്ക് എക്സ്ചേഞ്ച് സ്റ്റാർ ബോർഡിലെ ആന്റിന്റെ ലിസ്റ്റിംഗ് താൽക്കാലികമായി നിർത്തിവച്ചു. ഹോങ്കോംഗ് ഐപിഒയും താൽക്കാലികമായി നിർത്തിവയ്ക്കുമെന്ന് ആന്റ് ഒരു ഫയലിംഗിൽ പറഞ്ഞു. ന്യൂയോർക്കിൽ ചൊവ്വാഴ്ച അലിബാബ ഷെയറുകളിൽ ഈ വാർത്ത ഇടിവുണ്ടാക്കി.

ചൈനീസ് ബാങ്കുകളിലെ സത്യാവസ്ഥ

ചെറുകിട വായ്പക്കാർക്ക് വായ്പ നൽകുന്നതിൽ ചൈനയിലെ ബാങ്കുകൾ വിമുഖരാണ്. വാസ്തവത്തിൽ, കഴിഞ്ഞ 10 വർഷത്തിനിടെ ചെറുകിട ബിസിനസ്സുകൾക്ക് ബാങ്ക് വായ്പ നേടുന്നത് വളരെ ബുദ്ധിമുട്ടാണ്. ഇതേ കാര്യം തന്നെയാണ് ജാക്ക് മാ തുറന്നു പറഞ്ഞത്. എന്നാൽ മായുടെ വാക്കുകൾക്ക് അൽപ്പം മൂർച്ച കൂടിപ്പോയി. ഐപിഒയിലൂടെ കുറഞ്ഞത് 34.5 ബില്യൺ ഡോളർ സമാഹരിക്കുകയായിരുന്നു ആന്റിന്റെ ലക്ഷ്യം.