ലക്ഷ്മി വിലാസ് ബാങ്ക് - ക്ലിക്സ് ഗ്രൂപ്പ് ലയനം, ബാങ്കിന്റെ ഓഹരി വില 10% ഉയർന്നു

ലക്ഷ്മി വിലാസ് ബാങ്ക് ഓഹരി വില ഇന്ന് 10 ശതമാനം ഉയർന്നു. ക്ലിക്സ് ഗ്രൂപ്പുമായി ലയിപ്പിക്കുന്നതിനുള്ള പരസ്പര ധാരണാ നടപടികൾ പൂർത്തിയായതായും അടുത്ത ഘട്ടങ്ങളെക്കുറിച്ച് ഇരു കമ്പനികളും ചർച്ചകൾ നടത്തിവരികയാണെന്നും ബാങ്ക് അറിയിച്ചതിനെ തുടർന്നാണ് ഓഹരി വില കുതിച്ചുയർന്നത്. കൂടുതൽ വിവരങ്ങൾ പിന്നീട് അറിയിക്കുമെന്ന് ബാങ്ക് വ്യക്തമാക്കി.

നേരത്തെ, ബാങ്കുമായി ക്ലിക്സ് ഗ്രൂപ്പിന്റെ സംയോജനവുമായി ബന്ധപ്പെട്ട് 2020 ജൂൺ 15 ന് ക്ലിക്സ് ക്യാപിറ്റൽ സർവീസസ് പ്രൈവറ്റ് ലിമിറ്റഡ്, ക്ലിക്സ് ഫിനാൻസ് ഇന്ത്യ പ്രൈവറ്റ് ലിമിറ്റഡ് എന്നിവയുമായി ബാങ്ക് പ്രാഥമിക, നോൺ-ബൈൻഡിംഗ് കരാർ (എൽ‌ഐ‌ഐ) ഒപ്പിട്ടിരുന്നു. നോൺ-ബൈൻഡിംഗ് LOI പ്രകാരം, നിർദ്ദിഷ്ട സംയോജനം പരസ്പരമുള്ള ധാരണകൾ, അംഗീകാരങ്ങൾ എന്നിവയ്ക്ക് വിധേയമാണെന്ന് വ്യക്തമാക്കിയിരുന്നു. കക്ഷികൾ‌ തമ്മിലുള്ള പരസ്പര ധാരണ പ്രകാരം, നിലവിലുള്ള പകർച്ചവ്യാധി കാരണം കാലാവധി സെപ്റ്റംബർ 15 വരെ നീട്ടിയിരുന്നു.

ലക്ഷ്മി വിലാസ് ബാങ്ക് - ക്ലിക്സ് ഗ്രൂപ്പ് ലയനം, ബാങ്കിന്റെ ഓഹരി വില 10% ഉയർന്നു

ഓഹരി വില 2.00 രൂപ അഥവാ 9.83 ശതമാനം ഉയർന്ന് 22.35 രൂപയായി. വിവിധതരം വായ്പകൾ വാഗ്ദാനം ചെയ്യുന്ന ധനകാര്യ സേവനങ്ങളാണ് ക്ലിക്സ് ക്യാപിറ്റൽ വാഗ്ദാനം ചെയ്യുന്നത്.സ്വകാര്യ ഇക്വിറ്റി സ്ഥാപനമായ എയോൺ ക്യാപിറ്റൽ പാർട്ണേഴ്സ് കമ്പനിയിലെ ഒരു പ്രധാന ഓഹരിയുടമയാണ്. ഈ മാസം ആദ്യം 1,500 കോടി രൂപ സമാഹരിക്കാനും ബിസിനസ് വളർച്ചയ്ക്ക് ധനസഹായം നൽകാനും വിദേശ ഓഹരി പങ്കാളിത്തം 74 ശതമാനം വരെ ഉയർത്താനും ഉദ്ദേശിക്കുന്നതായി ലക്ഷ്മി വിലാസ് ബാങ്ക് വ്യക്തമാക്കി.