ഏറ്റവും വലിയ എൽഐസി ഐപിഒ; സർക്കാർ നടപടികൾ ആരംഭിച്ചു, കൂടുതൽ വിവരങ്ങൾ ഇതാ

ആ​ദ്യഘട്ട നടപടികൾ

ഐ‌പി‌ഒയിലേക്ക് നയിക്കുന്ന ആദ്യ പ്രക്രിയകളിൽ സർക്കാരിനെ സഹായിക്കുന്നതിന് കൺസൾട്ടിംഗ് സ്ഥാപനങ്ങൾ, നിക്ഷേപ ബാങ്കർമാർ, ധനകാര്യ സ്ഥാപനങ്ങൾ എന്നിവയുൾപ്പെടെ ഇടപാട് ഉപദേഷ്ടാക്കളെ തിരഞ്ഞെടുക്കുന്നതിന് ധനമന്ത്രാലയം കഴിഞ്ഞയാഴ്ച ലേലം വിളിച്ചിരുന്നു. കുറഞ്ഞത് 5,000 കോടി രൂപയുടെ ഐപിഒ ആയിരിക്കും എൽഐസിയുടേതെന്നാണ് വിലയിരുത്തൽ.

ലോകത്തിലെ ഏറ്റവും വലിയ ഐ‌പി‌ഒയ്ക്ക് ഒരുങ്ങി സൗദി അരാംകോ

ഇൻഷുറൻസ് വിപണിയിൽ എൽഐസിയുടെ വലിപ്പവും സ്ഥാനവും

എൽ‌ഐ‌സിയിൽ 5-10 ശതമാനം ഓഹരി ഐ‌പി‌ഒ വഴി വിൽക്കാൻ സർക്കാർ തീരുമാനിച്ചാലും, 1956 ൽ ആരംഭിച്ച എൽ‌ഐസിയുടെ ഓഹരി വിൽ‌പന ഏറ്റവും വലുതായിരിക്കുമെന്നാണ് പ്രതീക്ഷിക്കുന്നത്. ഇൻ‌ഷുററുടെ മൊത്തം ആസ്തി 2018-19 ൽ എക്കാലത്തെയും ഉയർന്ന നിരക്കായ 31.11 ലക്ഷം കോടിയിലെത്തിയിരുന്നു. കോർപ്പറേഷൻ 2018-19 കാലയളവിൽ 23,621 കോടി രൂപയുടെ ലാഭം നേടി. മുൻവർഷത്തെ 25,646 കോടിയുമായി താരതമ്യപ്പെടുത്തുമ്പോൾ 7.89 ശതമാനം ഇടിവാണ് രേഖപ്പെടുത്തിയത്. എൽ‌ഐ‌സിക്ക് ഒന്നാം വർഷ പ്രീമിയത്തിൽ 66.24 ശതമാനം വിപണി വിഹിതവും 2018-19 ൽ പുതിയ പോളിസികളിൽ 74.71 ശതമാനവും ഓഹരിയാണുള്ളത്.

സ‍ർക്കാരിന്റെ പദ്ധതി

2020-21 ബജറ്റിൽ ധനമന്ത്രാലയം എൽഐസിയുടെ ഐപിഒയ്ക്കുള്ള പദ്ധതികളും ഐഡിബിഐ ബാങ്കിലെ സർക്കാരിൻറെ ഓഹരി സ്വകാര്യ, റീട്ടെയിൽ, സ്ഥാപന നിക്ഷേപകർക്ക് സ്റ്റോക്ക് എക്സ്ചേഞ്ച് വഴി വിൽക്കാനുള്ള നിർദ്ദേശവും പ്രഖ്യാപിച്ചിരുന്നു. എൽ‌ഐ‌സി, ഐ‌ഡി‌ബി‌ഐ ബാങ്ക് എന്നിവയിലെ ഓഹരി വിൽ‌പനയിലൂടെ 90,000 കോടി രൂപയും മറ്റ് ഓഹരി വിറ്റഴിക്കലുകളിലൂടെ 1.2 ലക്ഷം കോടി രൂപയും സമാഹരിക്കാനാണ് സർക്കാരിന്റെ ശ്രമം.

ഐ‌ആർ‌സി‌ടി‌സി ഐ‌പി‌ഒയ്ക്ക് ശക്തമായ തുടക്കം; ഒക്ടോബർ മൂന്നിന് അവസാനിക്കും

മറ്റ് ഐപിഒകൾ

എൽ‌ഐസി ഐ‌ഡി‌ബി‌ഐ ബാങ്കിലെ ഭൂരിപക്ഷ ഓഹരിയുടമയാണ്. ജനറൽ ഇൻഷുറൻസ് കോർപ്പറേഷന്റെയും ന്യൂ ഇന്ത്യ അഷ്വറൻസിന്റെയും ഓഹരികൾ മൂന്ന് വർഷം മുമ്പ് ഐപിഒകളിലൂടെ സർക്കാർ നേരത്തെ പട്ടികപ്പെടുത്തിയിരുന്നു.

കൊറോണ വൈറസ് മഹാമാരി: എൽ‌ഐസിയ്ക്ക് 1.9 ട്രില്യൺ രൂപയുടെ നഷ്ടം

ഐ‌പി‌ഒ വഴിയുള്ള നേട്ടങ്ങൾ

ഐ‌പി‌ഒ തീർച്ചയായും എൽ‌ഐ‌സിയുടെ കാര്യങ്ങളിൽ സുതാര്യത കൊണ്ടുവരും, കാരണം ധനകാര്യ നമ്പറുകളും കമ്പോളവുമായി ബന്ധപ്പെട്ട മറ്റ് സംഭവവികാസങ്ങളും കൃത്യസമയത്ത് സ്റ്റോക്ക് എക്സ്ചേഞ്ചുകളിലേക്ക് അറിയിക്കേണ്ടതുണ്ട്. അണ്ടർ‌റൈറ്റിംഗ് ലാഭവും നിക്ഷേപത്തിലെ ലാഭവും ഉണ്ടാക്കുന്ന ഇൻ‌ഷുററിൽ‌ ഓഹരി വാങ്ങുന്നതിലൂടെ നിക്ഷേപകർ‌ക്ക് പ്രയോജനം നേടാനാകും. എക്‌സ്‌ചേഞ്ചുകളിലെ ലിസ്റ്റുകൾക്ക് ശേഷം വിവിധ ഇക്വിറ്റി, ബോണ്ട് ഉപകരണങ്ങളിൽ എൽഐസിയുടെ നിക്ഷേപം കൂടുതൽ പരിശോധനയ്ക്ക് വിധേയമാക്കും.