ഓഹരികൾ, മ്യൂച്വൽ ഫണ്ടുകൾ എന്നിവയില്‍ വായ്പ.. പുതിയ പദ്ധതിയുമായി പേടിഎം മണി

ദില്ലി; ഓഹരികൾ, മ്യൂച്വൽ ഫണ്ടുകൾ എന്നിവയില്‍ വായ്പ നൽകാനൊരുങ്ങി ഡിജിറ്റൽ പേയ്മെന്റ് പ്ലാറ്റ്ഫോമായ പേടിഎം മണി. 2017 സെപ്റ്റംബറിൽ നേരിട്ടുള്ള മ്യൂച്വൽ ഫണ്ട് പ്ലാറ്റ്ഫോം പേടിഎം ആരംഭിച്ചിരുന്നു. ഈ വർഷം ഫെബ്രുവരിയിൽ 5,000 കോടി രൂപയുടെ നിക്ഷേപം പ്ലാറ്റ്ഫോം വഴി ലഭിച്ചെന്നും കമ്പനി വ്യക്തമാക്കി.സെപ്റ്റംബറിൽ കമ്പനി ഉപഭോക്താക്കൾക്കായി നേരിട്ടുള്ള സ്റ്റോക്ക് ട്രേഡിംഗും അവതരിപ്പിച്ചിരുന്നു.

നിക്ഷേപകർ തങ്ങളുടെ മ്യൂച്വൽ ഫണ്ട് വിഹിതത്തിൽ ചിലത് സ്റ്റോക്ക് ട്രേഡിംഗിലേക്ക് മാറ്റുന്ന പ്രവണത കണ്ടതായി പേടിഎം മണി സിഇഒ വരുൺ ശ്രീധർ പറഞ്ഞതായി ദി മിന്റ് റിപ്പോർട്ട് ചെയ്തു.ഈ വർഷം ശരാശരി എസ്‌ഐ‌പി തുകയിൽ വർദ്ധനവ് ഉണ്ടായിട്ടുണ്ട്, പ്രത്യേകിച്ചും കൂടുതൽ പരിചയസമ്പന്നരായ നിക്ഷേപകരിൽ നിന്ന്.

നേരിട്ടുള്ള മ്യൂച്വൽ ഫണ്ട് വിതരണക്കാർ എന്ന നിലയിൽ, ഉപഭോക്താക്കളുടെ ഹ്രസ്വകാല പണലഭ്യത ആവശ്യങ്ങൾ അല്ലെങ്കിൽ മുൻകൂട്ടി പ്രതീക്ഷിക്കാത്ത ചെലവുകൾ കൈകാര്യം ചെയ്യുകയെന്നതിനാണ് ഞങ്ങൾ മുൻഗണന നൽകുന്നത്. അതുകൊണ്ട് കൂടിയാണ് മ്യൂച്ചൽ ഫണ്ടുകൾ, ഓഹരികൾ എന്നിവയിൽ വായ്പ നൽകാനുള്ള പദ്ധതിക്ക് പേടിഎം ഒരുങ്ങുന്നത്.

പേടിഎം മണിയുടെ എതിരാളികളായ കുവേര ജൂണിൽ മ്യൂച്വൽ ഫണ്ടുകളിൽ വായ്പ നൽകാൻ ആരംഭിച്ചിരുന്നു, കുവേരയുടെ വെബ്‌സൈറ്റിൽ ലഭ്യമായ വിവരങ്ങൾ അനുസരിച്ച്, 10.5% പലിശനിരക്കിലാണ് വായ്പകൾ നൽകുന്നത്. ഈ തരത്തിലുള്ള വായ്പകൾക്ക് 1,999 ഫീസും ഈടാക്കുന്നുണ്ട്.

തട്ടിപ്പ് തടഞ്ഞില്ല; ജിയോ, എയർടെൽ, ബി‌എസ്‌എൻ‌എൽ എന്നിവയ്ക്ക് കനത്ത പിഴ തട്ടിപ്പ് തടഞ്ഞില്ല; ജിയോ, എയർടെൽ, ബി‌എസ്‌എൻ‌എൽ എന്നിവയ്ക്ക് കനത്ത പിഴ