ന്യൂഡൽഹി: രാജ്യത്തെ പ്രമുഖ കാർ നിർമാതാക്കളായ മാരുതി സുസൂക്കിയുടെ തിരഞ്ഞെടുത്ത മോഡലുകളിൽ വില വർധനവ് നിലവിൽ വന്നു. 22500 രൂപയുടെ വില വർധനവ് ചില മോഡലുകളിലുണ്ടായി. നിർമാണ ചെലവിനെ അധികരിച്ചാണ് വില വർധനവ് എന്ന് കമ്പനി അറിയിച്ചു. നിലവിലുള്ള വിലയുടെ 1.6 ശതമാനം വർധനവാണ് ഓരോ മോഡലിലുമുണ്ടായിരിക്കുന്നത്.
14 മോഡലുകളിൽ വില വർധനവ് ഉണ്ടായി. ഈ പട്ടികയിൽ ജനപ്രിയ മോഡലുകളായ സ്വിഫ്റ്റും സിലേരിയോയുമില്ല എന്ന പ്രത്യേകതയുമുണ്ട്. വിവിധ ഇന്പുട്ട് ചെലവുകള് വര്ധിപ്പിക്കുന്നതിനാല് മാരുതിയെ കൂടാതെ മറ്റ് കാര് നിര്മാതാക്കളും വിലവര്ധന പ്രഖ്യാപിച്ചിരുന്നു. ഉയർന്ന ഇൻപുട്ട് ചെലവുകളുടെ ആഘാതം പരിഹരിക്കുന്നതിന് ഏപ്രിൽ മുതൽ കമ്പനി മുഴുവൻ ഉൽപ്പന്ന പോർട്ട്ഫോളിയോയുടെ വില ഗണ്യമായി ഉയർത്തുമെന്ന് മാരുതി നേരത്തെ തന്നെ അറിയിച്ചിരുന്നു.
കഴിഞ്ഞ വർഷം ഒരു റെഗുലേറ്ററി ഫയലിംഗിൽ കാർ മാർക്കറ്റ് ലീഡർ പറഞ്ഞത്, കഴിഞ്ഞ ഒരു വർഷത്തിനിടെ, വിവിധ ഇൻപുട്ട് ചെലവുകളുടെ വർദ്ധനവ് കാരണം കമ്പനിയുടെ വാഹനങ്ങളുടെ വിലയെ പ്രതികൂലമായി ബാധിച്ചു. ഇൻപുട്ട് ചെലവ് വർദ്ധിച്ചതിനെത്തുടർന്ന് ഈ വർഷം ജനുവരി 18 ന് വാഹന നിർമാതാക്കൾ തിരഞ്ഞെടുത്ത മോഡലുകളുടെ വില 34,000 രൂപ വരെ ഉയർത്തുമെന്ന് പ്രഖ്യാപിച്ചിരുന്നു.
ആഗോള വിപണിയിലെ സ്റ്റീല് അടക്കമുള്ളവയുടെ വില വര്ധന ഒറിജിനല് ഇക്വുപ്മെന്റ് നിര്മാതാക്കളുടെ ഇന്പുട്ട് ചെലവ് ഗണ്യമായി ഉയര്ത്തിയിട്ടുണ്ട്. കൂടാതെ കോവിഡ് മഹാമാരി മൂലമുള്ള ഇവയുടെ വിതരണക്ഷാമവും വിലര്ധിപ്പിക്കാന് കാരണമായി. ആഗോളതലത്തില് സെമികണ്ടക്ടേഴ്സിന്റെ ക്ഷാമം മുഴുവന് വാഹന വ്യവസായത്തെയും ബാധിച്ചു.