2021ന്റെ തുടക്കത്തിൽ തന്നെ ടെസ്‌ല ഇന്ത്യയിലെത്തുമെന്ന് നിതിൻ ഗഡ്കരി

അഞ്ച് വർഷത്തിനുള്ളിൽ ഇന്ത്യ ഓട്ടോ നിർമാണ കേന്ദ്രമായി മാറുമെന്ന് ഗഡ്കരി കൂട്ടിച്ചേർത്തു. 2021 ൽ കമ്പനി ഇന്ത്യയിൽ എത്തുമെന്ന് ടെസ്‌ല സിഇഒ എലോൺ മസ്‌ക് ഒക്ടോബറിൽ ട്വിറ്ററിലൂടെ അറിയിച്ചിരുന്നു. "അടുത്ത വർഷം ഉറപ്പാണ്," എന്നാണ് ഒരു ചോദ്യത്തിന് മറുപടിയായി എലോൺ മസ്ക് ഇക്കാര്യം വ്യക്തമാക്കിയത്.

കാര്‍ വാങ്ങാന്‍ പദ്ധതിയുണ്ടോ...? റെനോ ആണ് ലക്ഷ്യമെങ്കില്‍ ഉടന്‍ വാങ്ങണം; ജനുവരിയില്‍ 28,000 വരെ കൂടും

ഇന്ത്യയിലെത്തുന്ന ആദ്യത്തെ മോഡൽ താങ്ങാനാവുന്ന വില വിഭാ​ഗത്തിൽ വരുന്ന ടെസ്‌ല മോഡൽ 3 ആയിരിക്കുമെന്ന് ചില സമീപകാല റിപ്പോർട്ടുകൾ സൂചിപ്പിക്കുന്നു. ഏതാനും ആഴ്ചകൾക്കുള്ളിൽ ബുക്കിംഗ് ആരംഭിക്കുമെന്നും റിപ്പോ‍ർട്ടുകളുണ്ട്. എന്നാൽ അടുത്ത വർഷം രണ്ടാം പകുതിയോടെ മാത്രമേ വിൽപ്പന നടക്കൂവെന്ന് ഇക്കണോമിക് ടൈംസ് റിപ്പോർട്ട് പറയുന്നു.