ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിന്റെ ഭാഗമായി, 2020 ജനുവരി മുതൽ എൻഇഎഫ്ടി അഥവാ നാഷണൽ ഇലക്ട്രോണിക് ഫണ്ട് ട്രാൻസ്ഫർ ഓൺലൈൻ ഇടപാടുകൾക്കായി സേവിംഗ്സ് ബാങ്ക് അക്കൗണ്ട് ഉപഭോക്താക്കളിൽ നിന്ന് നിരക്ക് ഈടാക്കരുതെന്ന് റിസർവ് ബാങ്ക് ബാങ്കുകളോട് ആവശ്യപ്പെട്ടു. ആർടിജിഎസ്, എൻഇഎഫ്ടി എന്നിങ്ങനെ ഇന്റർ ബാങ്ക് പണ കൈമാറ്റത്തിന് രണ്ട് സംവിധാനങ്ങളാണുള്ളത്. ഈ രണ്ട് സംവിധാനങ്ങളും ആർബിഐയുടെ നിയന്ത്രണത്തിൻ കീഴിലാണുള്ളത് പരിപാലിക്കുന്നു.
റിസർവ് ബാങ്കിന്റെ പ്രസ്താവന
കാര്യക്ഷമവും സൗകര്യപ്രദവും സുരക്ഷിതവും അത്യാധുനിക പേയ്മെന്റ് സംവിധാനങ്ങൾ സ്ഥാപിക്കുക എന്നതാണ് റിസർവ് ബാങ്കിന്റെ ലക്ഷ്യമെന്നും ഈ ശ്രമങ്ങളുടെ ഫലമായി റീട്ടെയിൽ ഡിജിറ്റൽ പേയ്മെന്റ് സംവിധാനങ്ങൾ അതിവേഗം വളർന്നു കൊണ്ടിരിക്കുകയാണെന്നും റിസർവ് ബാങ്ക് പ്രസ്താവനയിൽ പറഞ്ഞു.
നെറ്റ് ബാങ്കിംഗ് ഇടപാടുകൾക്ക് ഇനി സർവ്വീസ് ചാർജില്ല, എടിഎം ഇടപാട് ചാർജ് കുറയ്ക്കാൻ സാധ്യത
വളർച്ച
2018 ഒക്ടോബർ മുതൽ 2019 സെപ്റ്റംബർ വരെയുള്ള കാലയളവിൽ മൊത്തം നോൺ ക്യാഷ് റീട്ടെയിൽ പേയ്മെന്റിന്റെ 96 ശതമാനവും ഡിജിറ്റൽ പേയ്മെന്റുകളാണ്. ഇതേ കാലയളവിൽ, നാഷണൽ ഇലക്ട്രോണിക് ഫണ്ട് ട്രാൻസ്ഫർ (നെഫ്റ്റ്), യൂണിഫൈഡ് പേയ്മെന്റ് ഇന്റർഫേസ് (യുപിഐ) സംവിധാനങ്ങൾ യഥാക്രമം 252 കോടി, 874 കോടി ഇടപാടുകൾ അഥവാ യഥാക്രമം 20%, 263% വളർച്ചയാണ് നേടിയത്.
പണം ട്രാന്സ്ഫര് ചെയ്യാന് ഓണ്ലൈന് ബാങ്കിംഗ് സേവനങ്ങളായ നെഫ്റ്റ്, ഐഎംപിഎസ്, ആര്ടിജിഎസ്
എസ്ബിഐ
ആർടിജിഎസ്, നെഫ്റ്റ് എന്നിവ വഴി ഓൺലൈൻ പണ കൈമാറ്റത്തിന് ട്രാൻസാക്ഷൻ ചാർജ് ഈടാക്കേണ്ടതില്ലെന്ന് ഇന്ത്യയിലെ ഏറ്റവും വലിയ ബാങ്കായ എസ്ബിഐ നേരത്തെ തീരുമാനിച്ചിരുന്നു. ഡിജിറ്റൽ മാർഗങ്ങളിലൂടെ ആർടിജിഎസ്, നെഫ്റ്റ് ഇടപാടുകൾ സൗജന്യമാണെങ്കിലും, ശാഖകൾ വഴിയുള്ള ഈ സേവനത്തിന് ചെറിയ നിരക്ക് ഈടാക്കുന്നുണ്ട്.
ക്രഡിറ്റ് കാര്ഡ് തുക എങ്ങനെ NEFT യില് കൂടെ അടയ്ക്കാം?
ഫീസ് നിരക്കുകൾ
10,000 രൂപ വരെയുള്ള നെഫ്റ്റ് ഇടപാടുകൾക്ക് 2 രൂപയും ജിഎസ്ടിയുമാണ് ഈടാക്കുക. 2 ലക്ഷത്തിന് മുകളിലുള്ള ഇടപാടിന്, എസ്ബിഐ 20 രൂപയും ജിഎസ്ടിയും ഈടാക്കും. 2 ലക്ഷം മുതൽ 5 ലക്ഷം വരെയുള്ള ആർടിജിഎസ് ഇടപാടിന് ഉപഭോക്താവ് 20 രൂപയും ജിഎസ്ടിയും നൽകണം. ലക്ഷത്തിന് മുകളിലുള്ള ആർടിജിഎസ് ഇടപാടിന് 40 രൂപയും ജിഎസ്ടിയും ഈടാക്കും.
malayalam.goodreturns.in