Click it and Unblock the Notifications
ലോകത്തെ സ്തംഭിപ്പിച്ചിരിക്കുകയാണ് കൊവിഡ് 19 മഹാമാരി. വൈറസ് വ്യാപനം തടയുന്നതിനായി ലോകരാജ്യങ്ങള് ഏര്പ്പെടുത്തിയ ലോക്ക്ഡൗണുകള് സാമ്പത്തിക പ്രവര്ത്തനങ്ങളെ സാരമായിത്തന്നെ ബാധിച്ചു. ഈ മാന്ദ്യം വിവിധ മേഖലകളില് തൊഴില് നഷ്ടം, ശമ്പളം വെട്ടിക്കുറയ്ക്കല്, ഫര്ലോ എന്നിവയ്ക്ക് കാരണമായി. ഭാവിയിലെ പണമൊഴുക്ക്, നിക്ഷേപം, സാമ്പത്തിക ലക്ഷ്യങ്ങള് എന്നിവയെക്കുറിച്ചും പലരും അനിശ്ചിതത്വത്തിലായിരിക്കുകയാണ്.
അനിശ്ചിതത്വത്തിലായ ഭാവിയും, ജോലിയും വരുമാനവും നഷ്ടപ്പെടുന്ന ആശങ്കയും നിക്ഷേപകരെ അസ്വസ്ഥരാക്കിയിരിക്കുകയാണ്. നിക്ഷേപം താല്ക്കാലികമായി നിര്ത്തണോ അതോ പിന്വലിക്കണോ എന്നുവരെ പലരും ഇന്ന് ആലോചിക്കുന്നു. ഈ വെല്ലുവിളി നിറഞ്ഞ സമയങ്ങളില് കൂടുതല് അടിയന്തിര സാമ്പത്തിക ബാധ്യതകള് നിറവേറ്റുന്നതിനായി കൂടുതല് പണലഭ്യത കൈവരിക്കാന് തങ്ങളുടെ മ്യൂച്വല് ഫണ്ട് സിസ്റ്റമാറ്റിക് ഇന്വസ്റ്റ്മെന്റ് പദ്ധതികള് (എസ്ഐപി) പോലുള്ള നിക്ഷേപങ്ങള് താല്ക്കാലികമായി നിര്ത്തുകയോ റദ്ദാക്കുകയോ ചെയ്യണോ എന്ന് പലരും വിലയിരുത്തുന്നു.
1. എസ്ഐപികള് എങ്ങനെ പ്രവര്ത്തിക്കുന്നു?
നിങ്ങള്ക്ക് ഇഷ്ടമുള്ള മ്യൂച്വല് ഫണ്ടുകളില് ഓരോ മാസവും നിര്വചിക്കപ്പെട്ട തുക നിക്ഷേപിക്കാന് എസ്ഐപികള് നിങ്ങളെ അനുവദിക്കുന്നു. സ്ഥിര വരുമാനം ലഭിക്കുന്ന വ്യക്തികള്ക്കിടയില് എസ്ഐപികള് ജനപ്രിയമാണ്. കാരണം, അവര് എല്ലാ മാസവും ചിട്ടയായും അച്ചടക്കത്തോടെയും ചെറിയ തുക നിക്ഷേപിക്കാന് അനുവദിക്കുന്നു. ശരാശരി രൂപച്ചെലവ്, ദീര്ഘകാലാടിസ്ഥാനത്തില് സമ്പത്ത് സൃഷ്ടിക്കാന് ആവശ്യമായ ദീര്ഘകാല സംയുക്തം എന്നിവയുടെ ഗുണം എസ്ഐപികള് നിങ്ങള്ക്ക് നല്കുന്നു. വിപണിയിലെ ആഘാതങ്ങള് സ്വാംശീകരിക്കാനും ദീര്ഘകാലത്തേക്ക് വരുമാനം നേടാനും ഇത് നിങ്ങളെ സഹായിക്കുന്നു.
2. ബുദ്ധിമുട്ടുള്ള തിരഞ്ഞെടുപ്പ്
നിങ്ങളുടെ എസ്ഐപികള് ഉള്പ്പടെ ഈ പ്രതികൂല സമയങ്ങളില് ദീര്ഘകാല സ്വാധീനം ചെലുത്തുന്ന നിങ്ങളുടെ നിങ്ങളുടെ നിക്ഷേപങ്ങളില് ഉറച്ചുനില്ക്കുകയെന്നത് ഇവിടെ എടുത്തുപറയേണ്ട കാര്യമാണ്. ഭവന വായ്പാ മാസതവണകള് പോലുള്ള അവശ്യ പേയ്മെന്റുകള് നടത്തുന്നതിനോ അല്ലെങ്കില് നിങ്ങളുടെ ആരോഗ്യ ഇന്ഷുറന്സ് പ്രീമിയം അടയ്ക്കുന്നതിനോ അല്ലെങ്കില് നിങ്ങളുടെ എസ്ഐപികള് തുടരുന്നതോ സംബന്ധിച്ച് തീരുമാനമെടുക്കേണ്ട സാഹചര്യം ഇപ്പോള് നിങ്ങള് അഭിമുഖീകരിക്കേണ്ടി വന്നേക്കാം.
3. നഷ്ടം കുറയ്ക്കുന്നത് പരിഗണിക്കുക
നിങ്ങള്ക്ക് സ്ഥിരവരുമാനമുണ്ടെങ്കില്, നിങ്ങളുടെ നിക്ഷേപങ്ങളില് ഹ്രസ്വകാല നഷ്ടം സംഭവിച്ചിട്ടുണ്ടെങ്കില്പ്പോലും നിക്ഷേപം തുടരുന്നതാവും നല്ലത്. ഉദാഹരണത്തിന് നിങ്ങള്ക്ക് വളര്ച്ചാ ഫണ്ടില് പ്രവര്ത്തിക്കുന്ന ഒരു 5000 രൂപയുടെ എസ്ഐപി ഉണ്ടെന്ന് കരുതുക. വിപണിയില് നല്ല രീതിയില് പ്രവര്ത്തിക്കുന്ന വര്ഷത്തിന്റെ തുടക്കത്തില് നിങ്ങളുടെ നിക്ഷേപം 38 രൂപ എന്എവിയില് 131.57 യൂണിറ്റുകള് നേടാന് നിങ്ങളെ സഹായിക്കുകയുണ്ടായി.
മഹാമാരി മൂലം വിപണികള് ഇടിഞ്ഞു തുടങ്ങിയപ്പോള് മാര്ച്ചില് നിക്ഷേപിച്ച അതേ തുക 29 രൂപ എന്എവിയില് 172.413 യൂണിറ്റുകള് സ്വന്തമാക്കാന് നിങ്ങളെ സഹായിക്കുന്നു. മുമ്പത്തെ ഉയര്ന്ന നിരക്കിനെക്കാള് താഴ്ന്ന നിലയിലാണ് വിപണി ഇപ്പോഴുള്ളതെങ്കിലും, ഈ യൂണിറ്റുകള് കിഴിവുള്ള നിരക്കില് നിങ്ങള്ക്ക് ശേഖരിക്കാന് അവസരമുണ്ട്. അതിനാല്, നിങ്ങളുടെ എസ്ഐപികള് അവസാനിപ്പിക്കുന്നതിലൂടെ വിലകുറഞ്ഞ യൂണിറ്റുകള് വാങ്ങാനുള്ള അവസരം കൂടിയാണ് നിങ്ങള്ക്ക് നഷ്ടപ്പെടുന്നതെന്ന് ഓര്ക്കുക.
More From GoodReturns
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
മംഗലാപുരം-രാമേശ്വരം ട്രെയിന്: പാമ്പന്പാലത്തിലൂടെയൊരു അപൂര്വ്വ തീര്ത്ഥയാത്ര, കേരളത്തിലെ സ്റ്റോപ്പുകളിതാ
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
സ്ത്രീകൾക്ക് സൗജന്യ ബസ് യാത്രയ്ക്കായി ഡൽഹി പിങ്ക് സഹേലി സ്മാർട്ട് കാർഡ് പുറത്തിറക്കി
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
Sign in with Google