ടിവിയുടെയും മറ്റ് ഇലക്ട്രോണിക് ഉപകരണങ്ങളുടെയും വില ജനുവരി മുതൽ 10% വരെ ഉയരും

അസംസ്കൃത വസ്തുക്കളായ ചെമ്പ്, അലുമിനിയം, സ്റ്റീൽ എന്നിവയുടെ വില വർദ്ധനവ്, സമുദ്ര, വായു ചരക്ക് നിരക്കുകളുടെ വർദ്ധനവ് എന്നിവയുടെ ഫലമായി എൽഇഡി ടിവിയുടെയും റഫ്രിജറേറ്റർ, വാഷിംഗ് മെഷീനുകൾ തുടങ്ങിയ ഇലക്ട്രോണിക് ഉപകരണങ്ങളുടെ വില ജനുവരി മുതൽ 10 ശതമാനം വരെ ഉയരുമെന്ന് റിപ്പോർട്ടുകൾ.

ടിവി പാനലുകളുടെ (ഓപ്പൺസെൽ) വില നിലവിൽ ഇരട്ടിയായി ഉയർന്നു. ക്രൂഡ് ഓയിൽ വില ഉയർന്നതിനാൽ പ്ലാസ്റ്റിക്ക് വിലയും ഉയർന്നതായി നിർമ്മാതാക്കൾ പറഞ്ഞു. എൽ‌ജി, പാനസോണിക്, തോംസൺ തുടങ്ങിയ നിർമ്മാതാക്കൾ ജനുവരി മുതൽ വില വർദ്ധിപ്പിക്കാൻ ഒരുങ്ങുമ്പോൾ, സോണി ഇപ്പോഴും സ്ഥിതിഗതികൾ അവലോകനം ചെയ്യുകയാണ്. വില വർദ്ധനവ് സംബന്ധിച്ച് ഇനിയും തീരുമാനം എടുത്തിട്ടില്ല.

ടിവിയുടെയും മറ്റ് ഇലക്ട്രോണിക് ഉപകരണങ്ങളുടെയും വില ജനുവരി മുതൽ 10% വരെ ഉയരും

ചരക്കുകളുടെ വിലയിലുണ്ടായ വർധനവ് സമീപ ഭാവിയിൽ ഉൽപ്പന്നങ്ങളുടെ വിലനിർണ്ണയത്തെ ബാധിക്കുമെന്ന് പ്രതീക്ഷിക്കുന്നതായും ജനുവരിയിൽ തന്നെ വില 6-7 ശതമാനം ഉയരുമെന്ന് പ്രതീക്ഷിക്കുന്നതായും പാനസോണിക് ഇന്ത്യ പ്രസിഡന്റും സിഇഒയുമായ മനീഷ് ശർമ പറഞ്ഞു. ഈ സാമ്പത്തിക വർഷം അവസാനത്തോടെ വില 10-11 ശതമാനം വരെ ഉയരുമെന്നാണ് അദ്ദേഹത്തിന്റെ അഭിപ്രായം.

എൽജി ഇലക്‌ട്രോണിക്‌സ് ഇന്ത്യ അടുത്ത വർഷം ജനുവരി 1 മുതൽ വീട്ടുപകരണ വിഭാഗത്തിൽ ഉൽ‌പ്പന്നങ്ങളിലുടനീളം കുറഞ്ഞത് 7 മുതൽ 8 ശതമാനം വരെ വില വർദ്ധിപ്പിക്കുമെന്ന് അറിയിച്ചു.